21 jan 2019
Nunatta Eqqartuussisuuneqarfia
Inissiisarfimmiittussanngortitsineq allanngortinneqartoq - K204/18
Angut 48-nik ukiulik Sermersuup Eqqartuussivianit pisuutinneqarpoq ataasiarluni pisortanik kanngunarsaarisimasutut, politiit sulinerisa nalaanni politiassistentit pingasut inuunerannik qunusaarisimanermigut.
Eqqartuussiviup ulluni 20-ni utaqqisitamik pineqaatissinneqarsimasunut inissiisarfimmiittussanngorlugu ukiunilu marlunni misilinneqarfilerlugu eqqartuuppaa.
Eqqartuussiviup eqqartuussutaa unnerluutigineqartumit suliareqqitassanngortinneqarpoq.
Eqqartuussisuuneqarfiup inerniliinera
Eqqartuussisuuneqarfiup eqqartuussiviup eqqartuussutaa allanngorpaa unnerluutigineqartorlu politiassistentimut ataatsimut nukersornissamik siorasaarisimasutut eqqartuunneqarpoq. Eqqartuussisuuneqarfiup unnerluutigineqartoq ulluni qulini utaqqisitamik pineqaatissinneqarsimasunut inissiisarfimmiittussanngorlugu ukiumilu ataatsimi misilinneqarfilerlugu eqqartuuppaa.
Eqqartuussisuuneqarfiup uppernarsarpaa unnerluutigineqartup unnerluussissummi nassuiarneqartutut politeeq aallaassallugu siorasaarsimagaa. Eqqartuussisuuneqarfiup politiassistentit marluk ilanngullutik siorasaarneqartutut misigisimasimanerat uppernarsinngilaa.
Pineqaatissiissummut tunngatillugu eqqartuussisuuneqarfiup pinerlunnerup ilungersunassusaa tunngavilersuutigaa illuatungaanilu unnerluutigineqartup eqqarsaatsimigut immikkut ittumik inissisimanera tunngavilersuutigalugu, politiit sulinerat qatanngutaanut tunngasimammat paasissutissiinerlu malillugu piffissami tassani imminut toqunnissamik siorasaarisimammat.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 21. januar 2019.
Suliap normua: K 204/18
Nunatta Eqqartuussisuuneqarfiata eqqartuussutaa