31 jan 2019
Nunatta Eqqartuussisuuneqarfia
Pineqaatissinneqarsimasunut inissiisarfimmiittussanngortitsineq - K 228/18
Angut 51-inik ukiulik Qaasuitsup Eqqartuussisoqarfianit eqqartuunneqarpoq 196 gram hashimik tuniaqqitassamik tigumiaqarsimasutut.
Ullormi 24. april 2017 eqqartuunneqarpoq qaammatini sisamani pineqaatissinneqarsimasunut inissiisarfimmiittussanngortinneqarluni suliami allami ikiaroornartulerinermut tunngasumi, suliami matumani pineqartumi iliuuseqarsimalluni utaqqisitamik eqqartuussutip misiligaaffiata ingerlanerani. Eqqartuunneqarpoq ataatsimoortillugit pineqaatissiinertalimmik qaammatini arfinilinni pineqaatissinneqarsimasunut inissiisarfimmiittussanngortinneqarnermik arsaarinnissuteqarfigineqarlunilu. Taamatullu aamma eqqartuunneqarpoq suliami aningaasartuutinik akiliisussanngortinneqarluni.
Eqqartuussisoqarfiup eqqartuussutaa unnerluutigineqartumit suliareqqitassanngortinneqarpoq sakkukillisaaffigineqarnissamik ulluni 60-ni pineqaatissinneqarsimasunut inissiisarfimmiittussanngortinneqarnissamik.
Nunatta Eqqartuussisuuneqarfiata inerniliinera
Nunatta eqqartuussisuuneqarfiata isumaqatigivaa eqqartuussisoqarfiup pineqaatissiissummik sivisussusiliinera. Aamma nunatta eqqartuussisuuneqarfiata isumaqatigivaa unnerluutigineqartup suliami aningaasartuutit akilissagai.
Nunatta eqqartuussisuuneqarfianit pingaartinneqarpoq nalinginnaasumik eqqartuussisarnermi suliani ikiaroornartulerinerni periuseq, tassunga ilanngullugu unnerluutigineqartumit haship nassaarineqartup tuniniaqqitassallu nassaarineqarnera, suliarlu matumatuni pineqartoq sioqqutilaarlugu suliami allami ikiaroornartulerinermi eqqartuunneqarsimanera.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 31. januar 2019
Suliap normua: K 228/18
Nunatta Eqqartuussisuuneqarfiata eqqartuussissutaa
Qaasuitsup eqqartuussiviata eqqartuussissutaa