08 okt 2019
Nunatta Eqqartuussisuuneqarfia
Qaammatini pingasuni inissiisarfimmiittussanngortinneqarnermik - K 181/19
Angut 27-nik ukiulik akiuuteriarsinnaanngitsumik pinngitsaaliilluni atoqarteqarsimanermut Eqqartuussisoqarfimmit Sermersuumit pisuutinneqarsimavoq, taassumami pinerlineqartoq qasunini imigassartorsimaninilu pissutigalugit akiuuteriarsinnaanngitsoq atoqatigisimavaa.
Unnerluutigineqartoq pisuunerarsimavoq eqqartuunneqarsimallunilu qaammatini pingasuni inissiisarfimmiittussanngortinneqarluni.
Unnerluutigineqartoq eqqartuussisuuneqarfimmut piumasaqaateqarpoq inuiaqatigiinni sulisitaasussanngortitsisoqarluni eqqartuussuteqartoqassasoq.
Eqqartuussisuuneqarfiup inerniliinera
Unnerluutigineqartup qaammatini pingasuni inissiisarfimmiittussanngortinneqarsimanera eqqartuussisuuneqarfiup isumaqataaffigaa, oqaatigaalu unnerluutigineqartup imminut nalunaarutigisimanera tamakkiisumillu nassuersimanera sakkukillisaataatinneqarsimasoq. Pinerlunnerup qanoq ittuunera eqqarsaatigalugu eqqartuussisuuneqarfik isumaqarpoq, inuiaqatigiinni sulisitaasussanngortitsisoqarluni eqqartuussuteqartoqarsinnaanngitsoq.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 8. oktober 2019
Suliap normua: K 181/19
Nunatta Eqqartuussisuuneqarfiata eqqartuussissutaa