15 dec 2020
Nunatta Eqqartuussisuuneqarfia
Nakuuserneq pillugu suliami eqqartuussut - K 033/19
Angutit pingasut peqatigiillutik isumaqatigeereerlutillu pinerlineqartumik niaquatigut timaatigullu arlaleriarlutik tilluaassimanermut isimmissaasimanermullu ulluni 30-ni inissiisarfimmiittussanngortinneqarlutik, Eqqartuussisoqarfimmit Sermersuumit eqqartuunneqarput.
Unnerluutigineqartut tamarmik pingasuullutik pisuunnginnerarput.
Eqqartuussisuuneqarfiup inerniliinera
Eqqartuussisuuneqarfiup eqqartuussisoqarfik isumaqatigalugu uppernarsarneqarsimasoraa unnerluutigineqartut peqatigiillutik isumaqatigeereerlutillu pinerlineqartoq niaquatigut timaatigullu arlaleriarlugu tilluarllugulu isimmissarsimagaat. Suliamik suliaqarnerup qanoq sivisutiginera eqqarsaatigalugu eqqartuusseqataasut marluk naleqquttuusoraat pineqaatissiissut akunnerni 80-ini inuiaqatigiinni sulisitaanermut aalajangersarneqarpat. Unnerluutigineqartut tamarmik nakuusernermut eqqartuussaareernikuunerat taamaalilluni suliami matumani pinngitsoorani inissiisarfimmiittussanngortitsilluni eqqartuussuteqarnermik kinguneqartinneqassanngilaq. Unnerluutigineqartut ulluni 50-ini pinngitsooratik inissiisarfimmiittussanngortinneqarnissaat eqqartuusseqataasup ataatsip tulluartuusoraa aamma suliamik suliaqarnerup sivisussusia inuiaqatigiinni sulisitaasussanngortitsilluni eqqartuussuteqarnermik kinguneqarsinnaasorinngilaa. Pisimasoq maj 2017-imi piliarineqarsimavoq eqqartuussisuuneqarfimmilu ulloq 31. oktober 2019-imi suliarineqarpoq. Eqqartuussisoqarfiup eqqartuussutaa november 2018-imeersuuvoq.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 31. oktober 2019.
Suliap normua: K 033/19
Nunatta Eqqaartuussisuuneqarfiata eqqartuussissutaa
Sermersuup eqqartuussiviata eqqartuussissutaa