23 sep 2020
Nunatta Eqqartuussisuuneqarfia
Nakuusernermik suliami eqqartuussut - K 229/18
Qeqqata Eqqartuussisoqarfianit angut 62-inik ukiulik eqqartuunneqarpoq utaqqisitamik qaammatini pingasuni pineqaatissinneqarsimasunut inissiisarfimmiittussanngortinneqarluni, pinerlineqartoq ataasiarlugu tillussimagamiuk kiisalu tunuatigut isimmissimallugu.
Nakuusernermik pisimasut taakkua marluk pisimapput ullunik marlunnik akunneqartumik. Unnerluutigineqartoq pisimasuni pisuunnginnerarpoq. Taamaattorli pisuunerarfigivaa pinerlineqartoq talluatigut tillussimanera kiisalu taliatigut sakkortuumik tigusimanera, pinerlineqartoq sininniassalluni innareersoq. Pisuunerarfigivaa niuisa saneraatigut isimmitsineq, unnerluussisuniillu oqaatigineqartutut tunuatigiinngitsoq.
Nunatta eqqartuussisuuneqarfiata inerniliinera
Eqqartuussisoqarfik assigalugu eqqartuussisuuneqarfiup unnerluutigineqartoq pisuutippaa nakuusernermut. Eqqartuussisuuneqarfiulli taamaallaat uppernarsineqartutut isigivaa, suliami pisimasoq 1-mi unnerluutigineqartup pinerlisaq assamminik patissimagaa, kiisalu taliatigut ima sakkortutigisumik tigusimagaa allaat tilluusalersillugu. Pisimasoq 2-mi uppernarsineqarpoq, isimmitsineq pinerlisap nalikkaavinut qaninnerusimasoq, tamanna aamma nakorsap politiinut uppernarsaataani oqaatigineqartutut niuisa tunuani tilluusamut naapertuunneruvoq. Eqqartuussisoqarfiup pineqaatissiissutaa atuuttussanngortinneqarpoq.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 28. november 2019.
Suliap normua: K 229/18
Nunatta Eqqartuussisuuneqarfiata eqqartuussutaa
Qeqqata eqqartuussiviata eqqartuussutaa