29 apr 2021
Nunatta Eqqartuussisuuneqarfia
Meeqqamik pinngitsaaliinermi eqqartuussut - K 036/19
Angut taanna 60-inik ukiulik ukiuni marlunni pineqaatissinneqarsimasunut inissiisarfimmiittussanngortinneqarluni eqqartuunneqarpoq meeqqamik 7-inik ukiulimmik pinngitsaaliinermut. Taamatullu aamma eqqartuunneqarluni pinerlineqartumut 80.000 kr.-inik akiliisussanngortinneqarluni.
Eqqartuussisuuneqarfiup inerniliinera
Eqqartuussisuuneqarfiup eqqartuussisoqarfik assigalugu unnerluutigineqartoq pisuutippaa meeraq pinngitsaalisimagaa taanna 7-nik ukioqarallarmat, pineqaatissiissullu sakkortusarneqarpoq ukiuni 2-ni qaammatinilu 6-ini pineqaatissinneqarsimasunut inissiisarfimmiittussanngortinneqarnermik. Eqqartuussisuuneqarfiup sakkortusaatitut isigalugu pingaartippaa,
pinerlineqartoq pinerliinerup nalaani taamaallaat 7-inik ukioqarsimammat, nammineq kajumissutsiminik iseqatigisimavaa ikinngutimi ataataatut ilisarisimagamiuk, taannalu ukiumigut misilittakkamigullu inersimanerunerminik peqqarniitsumik atornerluilluni.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 29. november 2019-imi.
Suliap normua: K 175/19