17 sep 2020
Nunatta Eqqartuussisuuneqarfia
Suliami tillinniarsimanermi eqqartuussut - K 204/19
Angutit inuusuttut pingasut Qeqqata Eqqartuussisoqarfiani unnerluutigineqarput ujajaasimasutut. Unnerluutigineqartut pisuunerarput peqatigiillutik tillinniarsimanermut.
Eqqartuussisunit uppernarsineqanngilaq ujajaasoqarsimanera unnerluutigineqartullu tillinniarnermut pisuutinneqarput, eqqartuunneqarpullu akiligassinneqarlutik.
Taamatullu aamma tillitanik 2.806 kr.-nik arsaarinnissuteqarfigineqarlutik.
Nunatta eqqartuussisuuneqarfiata inerniliinera
Nunatta eqqartuussisuuneqarfiata eqqartuussisoqarfik assigalugu tunngavigivaat pinerliinerup imarisaa pinerluttulerinermi inatsimmi § 112 ujajaaneq naammassineqarsimanngimmat, unnerluutigineqartullu pisuutillugit tillinniarnermut. Eqqartuussisuuneqarfiup ilaatigut pingaartippaa unnerluutigineqartut arlaannaalluunniit pisiniartitsisup tungaanut nakuusersimanngimmat imaluunniit siorasaarisimanngimmat.
Isiginiarneqarluni unnerluutigineqartut tillinniarnermi kiinarpaqarsimaneri, tamanna isigineqarpoq peqqarniitsumik peqatigiilluni tillinniarsimanertut, taamaattumillu nunatta eqqartuussisuuneqarfiata pineqaatissiissut aalajangersarpaa ulluni 30-ni pineqaatissinneqarsimasunut inissiisarfimmiittussanngortitsinermik.
Unnerluutigineqartut tamarmik piffissami sivisuumi tigummigallagaareersimammata eqqartuussisoqarfiup eqqartuussutaa sioqqullugu, eqqartuussisuuneqarfiup pineqaatissiissut tigummigallagaanermi naammassineqarsimasutut isigivaa.
Sinnerini eqqartuussisoqarfiup eqqartuussutaa atuuttussanngortinneqarpoq.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 26. november 2019
Suliap normua: K 204/19
Nunatta Eqqartuussisuuneqarfiata eqqartuussissutaa
Qeqqata eqqartuussiviata eqqartuussissutaa