Gå til sidens indhold

Nunatta Eqqartuussisuuneqarfia

29 apr 2021

Nunatta Eqqartuussisuuneqarfia

Meeqqamik kinguaassiuutitigut atoqatiginninnermut eqqartuussut - K246/19

Angut 47-inik ukiulik eqqartuussisoqarfimmit eqqartuunneqarpoq ukiuni 7-ni pineqaatissinneqarsimasunut inissiisarfimmiittussanngortinneqarluni, panissami aappaa ukiuni tulleriiaani pinngitsaalisarsimaneranut, taamatullu aamma marlunnik meerartaarfigisimallugu. Aamma eqqartuunneqarpoq panissami aappaanut pinngitsaaleeriarsimasutut, eqqartuunneqarlunilu kinguaassiuutititgut allatut atoqatigisimaneranut. Tamatuma saniatigut eqqartuunneqarpoq niviarsiaqqat mitagaanerannut ajunngitsorsiassanik akiliinissamik 150.000 kr.-inik aamma 100.000 kr.-inik.

Eqqartuussiisuuneqarfiup inerniliinera

Eqqartuussisoqarfiup eqqartuussuutaata annerpaartaa eqqartuussisuuneqarfimmit atuuttussanngortinneqarpoq, kisiannili pineqaatissiineq pineqaatissinneqarsimasunut inissiisarfimmiittussanngortitsineq appartinneqarluni ukiunut 5-nut qaammatinullu 6-inut.

Pineqaatissiissutissamik aalajangersaanermi eqqartuussisuuneqarfiup pingaartippaa pinerluutip isikkua, tamatumalu piffissami pisimanerata annertussusia, aamma iliuuserineqartoq piliarineqarsimammat pinerlineqartup pingaarnertut imminerminut perorsaasussaanit. Unnerluussisussaatitaasunit piumasaqaatigineqarsimavoq unnerluutigineqartoq eqqartuunneqassasoq ukiuni 7-ni pineqaatissinneqarsimasunut inissiisarfimmiittussangortinneqarluni, kisianni eqqartuussisuuneqarfiup oqaatigivaa, kinguaassiuutitigut suliani aallaavittut pineqaatissiinermi ukiut 6-it sinnerneqartariaqassanngikkaat, tamanna nalinginnaasumik inoqammik toqutsinermut eqqartuussaassutigineqartarmat.

Nunatta eqqartuussisuuneqarfiata mitagaanermut ajunngitsorsiassat appartippaat 125.000 kr.-inut aamma 25.000 kr.-inut.

Ulloq aalajangiiffik

Nunatta Eqqartuussisuuneqarfianit eqqartuussut nalunaarutigineqarpoq ulloq 4. december 2019-imi.

Suliap normua: K 246/19

Nunatta Eqqartuussisuuneqarfiata eqqartuussutaa

Qaasuitsup eqqartuussiviata eqqartuussutaa

Nassuiaatit