29 apr 2021
Nunatta Eqqartuussisuuneqarfia
Pinaaseriarsinnaanngitsumut suliami eqqartuussut - K174/19
Angut 63-inik ukiulik eqqartuussisoqarfimmit eqqartuunneqarpoq qaammatini sisamani pineqaatissinneqarsimasunut inissiisarfimmiittussanngortinneqarluni pinaaseriarsinnaanngitsumut atoqatiginninnermut aamma allatut kinguaassiutitigut atoqatiginninnermut, arnamut unnerluutigineqartup angerlarsimaffiani sofami sinittumut. Unnerluutigineqartoq pisuunerarpoq arnaq attualaarsimallugu, kisianni pisuunnginnerarluni pinaaseriarsinnaanngitsumut atoqatiginninnermut.
Nunatta eqqartuussisuuneqarfiata inerniliinera
Kinguaariissutsikkut ilisarnaatinik misissueqqissaartarfiup nalunaarusiaa naapertorlugu nunatta eqqartuussisuuneqarfianut uppernarsineqanngilaq, unnerluutigineqartup pinaaseriarsinnaanngitsoq atoqatigisimagaa, tassami taamaallaat unnerluutigineqartup anisuuanik peqartoq paasineqarmat utsuisa paavini. Namminerlu nassuernera malillugu unnerluutigineqartoq pisuutinneqarluni allatut kinguaasiutitigut atoqatiginninnermut, tak. pinerluttulerinermi inatsimmi § 77, imm. 1, nr. 2. Tamatuma kingunerisaanik pinerlineqartoq mitagaaneranut aalajangersaaffigineqarpoq 10.000 kr.-inut.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 6. december 2019-imi.
Suliap normua: K 174/19
Nunatta Eqqartuussisuuneqarfiata eqqartuussutaa