29 apr 2021
Nunatta Eqqartuussisuuneqarfia
Attualaarinnissimanermi aamma kannguttaatsuliorfiginnissimanermi - K201/19
Angut 50-inik ukiulik eqqartuussisoqarfimmit eqqartuunneqarpoq utaqqisitamik ulluni 30-ni pineqaatissinneqarsimasunut inissiisarfimmiittussanngortinneqarluni, nukappiaqqamut 12-inik ukiulimmut assinik pornografiimut tunngasunik nassitsisimanermut. Angummut inuusunnerusumut kanguttaatsuliorfiginninnermut pinngitsuutinneqarluni, eqqartuussisoqarfimmut uppernarsineqanngimmat kannguttaatsuliorfiginnissimanera.
Eqqartuussisuuneqarfiup inerniliinera
Eqqartuussisoqarfik assigalugu nunatta eqqartuussisuuneqarfiata unnerluutigineqartoq angummut inuusunnerusumut attualaarinnilluni kannguttaatsuliorfiginnittarsimaneranut pinngitsuutippaa, pissutigalugu, eqqartuussisuuneqarfiup tunngavigimmagu illuatungeriit akunnerminni kinguaassiuutitigut atassuteqaqatigiittarsimammata. Taamaalilluni eqqartuussisuuneqarfiup tunngavigivaa, unnerluutigineqartoq siunertaqartarsimanngimmat pineqartumut kannguttaatsuliorfiginninnissamik.
Tamannalu aamma tunngavigalugu unnerluutigineqartoq pinngitsuutinneqarluni pineqartumut kannguttaatsuliorfiginnissimanermut assinik pornogafiimik tunngasunik imalinnik inummut tassunga nassitsinermigut.
Eqqartuussisoqarfiup eqqartuussutaata sinnerini atuuttussanngortitsisoqarpoq.
Eqqartuussisoqarfimmit oqaatigineqarpoq, 12-inik ukiullip kannguttaatsuliorfigineqarnera assinik pornografiimik tunngasunik tigusaqarneranut tunngatillugu, imatut kannguttaatsuliorfiginninneq isikkoqanngitsoq mitagaanermut ajunngitsorsiassaliissutigissallugu tunngavissaqartitsisumik.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 13. december 2019-imi.
Suliap normua: K 201/19
Nunatta Eqqartuussisuuneqarfiata eqqartuussutaa
Sermersuup eqqartuussiviata eqqartuussutaa