29 apr 2021
Nunatta Eqqartuussisuuneqarfia
Umiartornermi maleruaqqusanik unioqqutitsinermi - K171/19
Angut 49-nik ukiulik eqqartuussisoqarfimmit eqqartuunneqarpoq akiligassinneqarluni 6.000 kr.-inik piffimmi tamatigut tamaana putsersumi sakkortunerusumik alapernaarsuisimannginnermut, taamaalilluni erseqqarlunnerani qimerluuilluarsimanani. Eqqartuussisoqarfiullu tunngavilersuutigivaattaaq umiartornermi maleruaqqusanik malinnissimannginnera, angallatini samiatungaanut sangutissimammagu talerpiatungaanuunngitsorlu angallat alla killormut ingerlasoq, tamatumalu kingunerisaanik angallammut allamut aporluni.
Eqqartuussisuuneqarfiup inerniliinera
Nunatta eqqartuussisuuneqarfiata eqqartuussisoqarfittulli naliliivoq, unnerluutigineqartup umiartornermi maleruaqqusat unioqqutissimagai saamiatungaanut sangunermigut talerpiatatungaanuunngitsorlu angallat alla tungiminut ingerlatillugu, eqqartuussisuuneqarfillu paasitinneqanngilaq pissutsinik sangunermi pinngitsuutitsissutaasinnaasumik.
Taamatullu aamma nunatta eqqartuussisuuneqarfia isumaqarpoq pisussaaffeqarsimasoq alapernaarsuinerunissamik, taannalu pisussaaffik naammassineqarsimanngilaq. Tamanna tunngavigalugu nunatta eqqartuussisuuneqarfiata eqqartuussisoqarfiup eqqartuussutaa atuuttussanngortippaa.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 19. december 2019-imi.
Suliap normua: K 171/19
Nunatta Eqqartuussisuuneqarfiata eqqartuussutaa