30 apr 2019
Nunatta Eqqartuussisuuneqarfia
Peqquserluuteqarnermut pinngitsuutinneqarpoq - K 029/19
Eqqartuussisoqarfik Sermersuumit angut 53-inik ukiulik pisuutinneqarluni eqqartuunneqarpoq ulluni 30-ni pineqaatissinneqarsimasunut inissiisarfimmiittussanngortinneqarluni allap piinik paarititanik peqquserluuteqarnermut aamma taarsiissutissanik akiliisussanngortinneqarluni.
Unnerluutigineqartoq pinerlisap qalipaataarniarfiani sulisimavoq unnerluussummilu pineqartoq tassaalluni qalipaataarniarfimmut aningaasanngorlugit akiliutit.
Eqqartuussisoqarfiup eqqartuussutaa unnerluutigineqartumit aamma unnerluussisussaatitaasunit suliareqqitassanngortinneqarpoq.
Eqqartuussisuuneqarfiup inerniliinera
Eqqartuussisuuneqarfimmit uppernarsaasiiffigineqartutut isigineqanngilaq, unnerluutigineqartoq aningaasanngorlugit akiliutinik imminut pissarsitittarsimanera.
Ilaatigut saqqummiussisoqanngilaq qalipaartaarniarfimmut tunngasunik naatsorsuuserinermi paasissutissanik, kontop nikerarnerinik takussutissat, karsimit nalunaarusiat il.il. Qalipaataarniarfimmi piginnittoq ilaatigut nassuiaavoq karsimi aningaasaatini isertitat- aamma anisut ingerlaavartumik nakkutigineqartarsimanngitut.
Tamanna tunngavigalugu unnerluutigineqartoq nunatta eqqartuussisuuneqarfianit allap piinik paarititanik peqquserluuteqarnermut pinngitsuutinneqarpoq aamma taarsiiffigeqqulluni piumasaqaammut.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 30. april 2019.
Suliap normua: K 029/19
Nunatta Eqqartuussisuuneqarfiata eqqartuussutaa