Gå til sidens indhold

Nunatta Eqqartuussisuuneqarfia

29 apr 2021

Nunatta Eqqartuussisuuneqarfia

inuiaqatigiinni sulititaanissaq atuuttussanngortinneqarpoq - K049/19

Eqqartuussisoqarfik Sermersuumit angut 23-inik ukiulik meeqqamik kinguaassiutitigut atoqatiginnittarnermut eqqartuunneqarpoq nalunaaquttap akunneri 40-t inuiaqatigiinni sulisisussanngortinneqarluni.

Angut pinerliinerup nalaani 22-inik ukioqartoq eqqartuunneqarpoq niviarsiaqqamik 14-inik ukiulimmik sisamariarluni kinguaassiutaatigut atoqatiginnittarsimanermut, taakkua aappariittut inuusimallutik.

Eqqartuussisoqarfiup eqqartuussutaa unnerluussisussaatitaasunit suliareqqitassanngortinneqarpoq.

Eqqartuussisuuneqarfiup inerniliinera

Eqqartuussisoqarfiup eqqartuussutaa eqqartuussisuuneqarfimmit atuuttussanngortinneqarpoq.

Eqqartuussisuuneqarfiup tunngavilersuutimini oqaatigivaa, unnerluussisussaatitaasut isumaqatigalugit, tassa pinerluttulerinermi inatsisip § 79-iata unioqqutinneqarnerani pineqaatissiissut aallaavittut aalajangersarneqartariaqartoq utaqqisitaanngitsumik pineqaatissinneqarsimasunut inissiisarfimmiittussanngortitsinermik, pinerliinerup nalaani unnerluutigineqartoq 22-nik ukioqarpat imaluunniit tassannga utoqqaaneruppat. Eqqartuussisoqarfillu assigalugu eqqartuussisuuneqarfik isumaqarpoq suliami matumani aallaavigineqartartoq saneqqunneqarsinnaasoq, ilaatigut pissutigalugu unnerluutigineqartoq ukiuminut naleqquttumik isikkoqanngimmat.

Ulloq aalajangiiffiusoq

Eqqartuussut Nunatta Eqqartuussisuuneqarfianit oqaatigineqarpoq ulloq 10. april 2019.

Suliap normua: K 049/19

Nunatta Eqqartuussisuuneqarfiata eqqartuussutaa

Sermersuup eqqartuussiviata eqqartuussutaa

Nassuiaat