30 apr 2019
Nunatta Eqqartuussisuuneqarfia
Meeqqanut ilaatigut siorasaarineq - K016/19
Angut 46-nik ukiulik inooqatiminut nakuusernermut kiisalu inooqatiminik meeqqaminnillu ukiukitsunik pingasunik kiffaanngissusiiaanermut siorasaarinermullu pisuusutut Eqqartuussisoqarfimmit Sermersuumit isigineqarpoq.
Nunatta Eqqartuussisuuneqarfiata inerniliinera
Nunatta Eqqartuussisuuneqarfiata unnerluutigineqartoq inooqatiminut nakuusernermut pinngitsuutippaa. Unnerluutigineqartup pisoq eqqaamasaqarfiginngilaa, ilisimannittup patitsineq takusimanngilaa unnerluutigineqartullu inooqataa eqqartuussisunut nassuiaateqanngilaq.
Nunatta Eqqartuussisuuneqarfia tamatuma kingorna isumaqarpoq nakuusernermi uppernarsaatinik naliliinermi erseqqissumik kukkusoqarsimasoq, naleqq. eqqartuussisarnermik inatsimmi § 548, imm. 2, nr. 4.
Pineqaatissiissut pillugu apeqqummut tunngatillugu eqqartuussisoqarfiup pineqaatissiissutaanik allannguinissaq nunatta eqqartuussisuuneqarfiata naammattumik tunngavissaqarsorinngilaa, eqqartuussisoqarfiullu eqqartuussutaa atuuttussanngortippaa, imaalilluguli inuiaqatigiinni sulisitaanissaq piffissap sivisunerpaaffiliussap qaammatinik qulinik sivisussusillip iluani naammassineqartussanngortillugu aamma unnerluutigineqartoq pinerluttunik isumaginnittoqarfimmut ukiuni marlunni nakkutigineqartussanngortillugu.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 30. april 2019.
Suliap normua: K 016/19
Nunatta Eqqartuussisuuneqarfiata eqqartuussutaa