Qaammatini qulingiluani inissiisarfimmiittussanngortitaaneq

Arnaq 36-nik ukiulik eqqartuunneqarluni qaammatini qulini inissiisarfimmiittussanngortinneqarpoq.

Taanna kr. 90.000-inik, hashimik 150 gram ataannagu annertussusilimmik Nunatsinni tuniniaanermeersunik, toqqartaqarsimavoq, anngiortumik eqqusseqataasimalluni aamma 1,6 kg-mik tuniniaasimaluni, 950 gramimillu tuniniagassanik tigummiaqarsimalluni, taakkunannga 750 gram angummut ilisarisimasaminut tunisimallugu kr. 450.000-inik iluanaarutigisaminik.

Suliap suliareqqitassanngortitap suliarineqarnerani unnerluussisussaatitaasut piumasaqaateqarput arnaq sukannernerusumik pineqaatissinneqassasoq. Arnap sakkukinnerusumik pineqaatissinneqarnissani piumasaqaatigaa.

Eqqartuussisuuneqarfiup inerniliinera

Eqqartuussisuuneqarfiup pisuunermik apeqqut isummerfigisussaanngilaa, pineqaatissiissutimmi sivisussusilerneqarnera kisimi suliareqqitassanngortinneqarpoq.

Eqqartuussisuuneqarfiup pineqaatissiissut qaammatini qulingiluani inissiisarfimmiittussanngortitsinermut aalajangersarpaa. Hashimik suliani pineqaatissiisarnermi sulisaaseq nalinginnaasoq eqqartuussisuuneqarfiup pingaartippaa. Pinerlunnerup ilisimasaqarluartunit aaqqissuussaalluagaanera eqqartuussisuuneqarfiup sukannernerulersitsissutaasutut pingaartippaa. Arnap annikitsumik atuuffeqarsimanera suliallu paasiniaaneqarnerani politiinut suleqataarusussuseqarsimanera eqqartuussisuuneqarfiup sakkukillisaataasumik pingaartippaa.