11 dec 2020
Nunatta Eqqartuussisuuneqarfia
Akiligassiineq allagartajaanerlu
Angut 27-nik ukiulik timini imigassamik 1,35 promiilimik akulik biilinik aallarussanik siullermeerluni ingerlatsisimanermut, sukkassusissaq 86%-imik qaangerlugu sukkassuseqarluni biilersimanermut
paasissutissanillu peqquserlussimanermut, timmisartukkut bilitsip nalinganut, Qeqqata Eqqartuussisoqarfianit eqqartuunneqarpoq. Taanna eqqartuunneqarpoq ulluni 14-ini inissiisarfimmiittussanngortinneqarluni utaqqisitamik, kr. 18.500-nik akiligassinneqarluni, ukiumi ataatsimi allagartaajarneqarluni kiisalu kr. 5.000-inik saniatigut akiligassinneqarluni.
Angutip 27-nik ukiullip taassuma suliaq suliareqqitassanngortippaa, pineqaatissiissummik sakkukillisaanissaq piumasaqaatigalugu.
Eqqartuussisuuneqarfiup inerniliinera
Eqqartuussisoqarfiup tunngavilersuutaa inerniliineralu eqqartuussisuuneqarfiup isumaqataaffigai. Suliaq sivisungaatsiartumik suliarineqarsimavoq, tamannali pingaartinneqanngilaq aningaasatigut pinerlunneq pineqarmat aamma suliaq Danmarkimi aallartissimavoq Nunatsinnilu ingerlatassanngortinneqarsimalluni.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 28. august 2019
Suliap normua: K 075/19
Nunatta Eqqartuussisuuneqarfiata eqqartuussissutaa