Gå til sidens indhold

Nunatta Eqqartuussisuuneqarfia

14 jul 2020

Nunatta Eqqartuussisuuneqarfia

Pornomik meeqqanik inuttalikkamik siaruarterinermut - K117/19

Angut 52-inik ukiulik Eqqartuussisoqarfik Sermersuumit eqqartunneqarpoq utaqqisitamik ulluni qulini pineqaatissinneqarsimasunut inissiisarfiimmiittussanngortinneqarluni.

Ukiumik ataatsimik misiligaaffilikkamik unioqqutissimallugu pinerluttulerinermi inatsimmi § 85, imm. 1, pornomik meeqqanik inuttalikkamik tigumiaqarsimasutut aamma siaruarterisimasutut, tassa chatforum aqqutigalugu niviarsiaqqamik ukiukitsumik assitalimmik pornografiskeusumik siaruaterisimalluni.

Nunatta Eqqartuussisuuneqarfiata inerniliinera

Nunatta Eqqartuussisuuneqarfianit unnerluutigineqartoq unnerluussissummut pisuutinneqarpoq aamma eqqartuussisoqarfiup eqqartuussutaa atuuttussanngortinneqarluni.
Nunatta Eqqartuussisuuneqarfiata tunngavilersuutigivaa, ilaatigut IP-adresse assip aaneqarfia unnerluutigineqartup najugaqarfianut attuumassuteqarmat, aammalu unnerluutigineqartup nassuiaanermini oqaatigimmagu aallavigineqarsinnaannginneraammat nuliata imaluunniit paniata assimik aallersimasinnaanerat.

Ulloq aalajangiiffik

Nunatta Eqqartuussisuuneqarfianit eqqartuussut oqaatigineqarpoq ulloq 2. august 2019.

Sulia normua: K 117/19

Nunatta Eqqartuussisuuneqarfiata eqqartuussutaa

Sermersuup eqqartuussiviata eqqartuussutaa

Nassuiaatit