13 sept 2019
Nunatta Eqqartuussisuuneqarfia
Hashimik 3,4 kg-nik kiisalu 8,8 kg-nik eqqussisimanermut - K 155/19
Angutit pingasut Danmarkimiit Kalaallit Nunaannut hashimik tuniniaqqitassaminnik eqqussisimanertik peqqutigalugu Eqqartuussisoqarfik Sermersuumit ukiuni marlunni, ukiumi ataatsimi kiisalu qaammatini arfineq pingasuni pineqaatissinneqarsimasunut inissiisarfimmiittussanngorlugit eqqartuunneqarput.
Eqqartuussiviup aaqqissuussamik ikiaroornartumik tuniniaasoqarsimanera tunngavilersuutigaa.
Eqqartuussiviup eqqartuussutaa unnerluussisussaatitaasunit sakkortusaaffigineqarnissaa piumasaqaatigalugu suliareqqitassanngortinneqarpoq.
Eqqartuussisuuneqarfiup inerniliinera
Eqqartuussisuuneqarfiup pineqaatissiissutip aalajangersarnissaanut tunngatillugu pinerliinerup suussusaa tunngavilersuutigaa, matumani aaqqissuussamik hashimik tuniniaanermut peqataanerup pineqarnera uppernarsarneqarmat. Eqqartuussisuuneqarfiup eqqartuussutit ukiumik ataatsimik ukiunillu marlunnik sivisussusilikkat atuuttussanngortippai, maluginiarlugulu hashi eqqunneqarsimasoq 3,4 kg.-nik kiisalu 8,8 kg.-nik oqimaassuseqarnerat. Eqqartuussisuuneqarfiup unnerluutigineqartumut kingullermut tunngatillugu pineqaatissiissut qaammatinit arfineq pingasuniit qaammatinut qulingiluanut sivitsorpaa, peqqutigalugu pineqartup akuunera annikinnerusimammat suliallu paasiniarneqarneranut peqataasimalluni.
Aalajangiinerup ullua
Eqqartuussut Nunatta Eqqartuussisuuneqarfianit ulloq 13. september 2019 oqaatigineqarpoq.
Suliap normua: K 155/19
Nunatta Eqqartuussisuuneqarfiata eqqartuussutaa
Sermersuup eqqartuussiviata eqqartuussutaa