Gå til sidens indhold

Nunatta Eqqartuussisuuneqarfia

25 feb 2022

Nunatta Eqqartuussisuuneqarfia

Eqqartuussut allanngortinneqarpoq - K 147/20

Eqqartuussaq 2018-imi Eqqartuussisoqarfik Sermersuumit sakkortuumik nakuusersimasutut pisuutinneqarpoq, kammalaatini savimmik qungasiatigut kapisimagamiuk. Qallunaat Nunaanni tarnimikkut napparsimasut napparsimmavissuani katsorsagassanngorlugu eqqartuunneqarpoq killiligaanngitsumik.

Eqqartuussissut Nunatta Eqqartuussisuuneqarfianit oqaatigineqarpoq ulloq 14. oktober 2020.

Eqqartuussiviup aalajangiinera allanngortinneqarpoq taamaalilluni eqqartuussaq eqqartuunneqassalluni tarnimikkut nappaatilinnut qallunaat nunaanni katsorsagassanngortinneqassalluni imaluunniit tassannga nakkutigisassanngortinneqassalluni, taamaalilluni nakorsaq katsorsaasoq Nuummi Dr. Ingridip napparsimmavissuani tarnimikkut nappaatillit immikkoortartaqarfianni nakorsaanermik aamma Kalaallit Nunaanni Pinerluttunik Isumaginnittoqarfimmik ersarinnerusumik isumaqateqarnermigut Dr. Ingridip napparsimmavissuani Tarnimikkut Nappaatilinnut Immikkoortortaqarfik aqqutigalugu angerlatsitsinissamik aalajangiisinnaatitaassalluni kiisalu angerlatitsinerup nalaani pinerluttunik isumaginnittoqarfimmit nakkutigisassanngortinneqassalluni. Nakorsaq katsorsaasuusoq pinerluttunik isumaginnittoqarfik isumasioqatigalugu Kalaallit Nunaanni Qallunaat Nunaanniluunniit napparsimmavimmut unitsitseqqiinissamik aalajangiisinnaatitaassaaq.

Angerlartitsinermi makkuninnga naammassisassaliisoqassaaq:

  • Peqquneqarluni pinerluttunik isumaginnittoqarfiup ersarinnerusumik aalajangiinera malillugu imigassamik aalakoornartulimmik, aangajaarniutinik imaluunniit assigisaanik atuipilunnermut katsorsagaassalluni, pisariaqassappat angerlarsimaffimmi immikkut ittumi imaluunniit Kalaallit Nunaanni Qallunaat Nunaanniluunniit napparsimmavissuarmi.

 

Suliap normua: K 147/20

Eqqartuussissutit nassuiaatillu