Hashimik tigummiaqarneq, nakuuserneq aammalu ujajaaneq - K 182/20

Eqqartuussissut Nunatta Eqqartuussisuuneqarfianit oqaatigineqarpoq ulloq 16. november 2020. 

Unnerluutigineqartoq Eqqartuussisoqarfik Sermersuumit eqqartuunneqarpoq ulloq 18. februar 2020 pisuutinneqarluni pinerluttulerinermi inatsimmi §§ 88 aamma 112, imm. 1, nr. 1, aanngaajaarniutit pillugit inatsimmi § 3, tak. § 1, tak. aanngaajaarniutit pillugit nalunaarummi § 27, imm. 1, tak. § 2, tak. ilanngussaq 1, liste A, nr. 1 kiisalu aqqusinertigut angallannermi inatsimmi § 31, imm. 2, pisimasunut arfinilinnut agguataagaq. Pisimasumi ataatsimi (pisimasoq 4) pinngitsuutinneqarpoq. Suliarlu nunatta eqqartuussisuuneqarfianit taamaallaat sivisussusiliinertut suliarineqarluni.

Pisimasut 1, 3, 4, 6 aamma 7 piliarineqarsimapput utaqqisitamik eqqartuussutip 12. februar 2020-meersumi misiligaaffiliunneqartup iluani, taava pisimasoq 2 tamanna sioqqullugu piliarineqarsimalluni.

Nunatta eqqartuussisuuneqarfianit pineqaatissiissutissamik toqqaanermi pingaartumik pingaartinneqarpoq pisimasoq 3-mi piliarineqartup isikkua, tassunga ilanngullugu tamatumani pineqarmat ujajaaneq arlaliulluni peqatigiilluni pisiniarfimmut mikinerusumut, unnerluutigineqartorlu taassumalu aappaa siusinnerusukkut unnuk taanna pisiniarfimmut saaffiginnissimammata aningaasanik piniarlutik.

Taamatullu aamma eqqartuussisuuneqarfiup pingaartippaa unnerluutigineqartoq annertuumik nakuusernermut eqqartuussaasimammat aamma aanngaajaarniutit pillugit inatsimmik unioqqutitsisimalluni, suliamilu matumani pingasoriarluni hashimik tuniniaqqitassamik tigumiarsimasutut ataatsikkut aalajangiiffigisassani.

Sakkukillisaatitut pingaartinneqarsinnaasortaa tassaavoq pingaartumik suliami pisimasoq 2 piffissaq suliap sulianeqarnera pissutaalluni.

Qulaani oqaatigineqartut tunngavigalugit nunatta eqqartuussisuuneqarfia isumaqarpoq pineqaatissiissut aalajangersaaffigineqartariaqartoq qaammatini qulini pineqaatissinneqarsimasnut inissiisarfimmiittussanngortinneqarnermik taamatullu eqqartuussisoqarfiup eqqartuussutaa allanngortinneqarpoq. Pineqaatissiissut aalajangersarneqarpoq eqqartuussisoqarfimmi eqqartuussummituullu ataatsimoortitamik pineqaatissiinikkut, Eqqartuussisoqarfik Sermersuup eqqartuussutaani.

12. februar 2019-imeersumi, tak. pinerluttulerinermi inatsimmi § 130, imm. 1 kiisalu ilaatigut § 124.

Sinnerini eqqartuussisoqarfiup eqaartuussutaa atuuttussanngortinneqarpoq.

Suliap normua: K 182/20

Eqqartuussissutit nassuiaatillu