Kannguttaalliorsimasutut pineqaatissinneqarneq- K 181/20

Eqqartuussissut Nunatta Eqqartuussisuuneqarfianit oqaatigineqarpoq ulloq 24. november 2020.

Unnerluutigfineqartoq eqqartuunneqarsimavoq ulloq 23. juli 2016 oqaatsinik kannguttaalliorsimasutut, panissaminut aqqaneq marlunnik ukiulimmut oqarsimalluni, atoqatigerusullugu. Piffissami tassani kannguttaalliorsimanermisut eqqartuunneqarsimavortaaq nakuusersimasutut siorasaarisimasutullu, panissaminik pingasoriarluni toqqusassiisimasutut oqarsimallunilu, issariarnerinnarmut qimissinnaallugu/toqussinnaallugu. Eqqartuussisoqarfiup pisuunermut apeqqummut aalajangiinera eqqartuussisuuneqarfimmut suliareqqitassanngortinneqanngilaq.

Politiit suliareqqitassanngortitsinermik nalunaarummik tusarliussiniarlutik iliuuserisimasaatuut paasissutissat saqqummiunneqartut malillugit tunngavigineqartariaqarpoq kingusissukkut tusarliussineq peqquteqartoq, politiit unnerluutigineqartoq najukkani oqarasuaatillu normuini nammineq ilaqutaaniilluunniit paasissutissiissutigineqaraluartuni pissarsiarisinnaasimanngimmassuk. Taanna tunngavigalugu eqqartuussisuunerit isumaqarput, unnerluussisussaatitaasut qularnarunnaarsikkaat, suliareqqitassanngortitsinermik nalunaarutip unnerluutigineqartumut tusarliunnissaanut piumasarineqartoq naapertuuttumik suliareqqitassanngortitsinermik nalunaarusiap tusarliunneqarnissaanut piffissap killiussap qaangiutinnginnerani iliuuseqarfigisimagaluaritsik. Tamatuma kingorna suliareqqitassanngortitsinermik nalunaarutip tusarliunneqarnissaanut piffissap killiunneqarsimasup qaangerneqarsimanera isumakkeerfigineqarsinnaammat, eqqartuussiviup unnerluussiisussaatitaasunit suliap sakkortusaanissaq piumasaqaatigalugu suliareqqitassanngortitsinerat akueraa, eqqartuussisarnermi inatsimmi § 542, imm. 2, no. 2 nojoqq.

Eqqartuussisuunerit isumaqarput, unnerluutigineqartoq piuseq malillugu aallaavittut pinngitsoorani piffissami qaammatini arfineq marluk- arfineq pingasut missaani pineqaatissinneqarsimasunut inissiisarfimmiittussanngortillugu eqqartuunneqassasoq, pisimasut pisuutinneqarfigisani pillugit.

Matumuuna eqqartuussisuuneqarfiup pingaartippaat nakuusernermi pisimasup sakkortussusaa, unnerluutigineqarullu panissaa aqqaneq marlunnik ukioqarmat pisimasuni pinerluffigineqarnermi nalaani. Eqqartuussisuunerit isumaqarputtaaq sakkortusaataasoq, qanimut ilaqutariinnermi atanerup malitsigisaanik malunnartumik unnerluutigineqartup panissaatalu akornanni pissutisit ataqatigiinnerup tatigeqatigiinnerullu akornanniimmata, panissaatalu isumassortitut unnerluutigineqartumut atanera suli sakkortusaataammat, pinerlunnermi piffissap nalaani anaanaa napparsimavissuarmi uninngammat.

Pineqaatissiissummik aalajangersaanermi eqqartuussisuuneqarfiup eqqarsaatigaa, suliap suliarineqarneranut piffissap atorneqartup sivisussusaa, unnerluutigineqartup atugaanit peqquserneqarsinnaanngitsoq.

Pingaartumik suliami pinerluttuliornermi eqqugaasoq meeraammat, pinerluutigineqartut piliarineqartut pimmata, aamma ilaqutariittut qanimut ataqatigiinneq peqqutigalugu, eqqartuussisuunerit isumaqarput, pineqaatissiissut utaqqisitaassanngitsoq, naak suliap suliarineqarneranut piffissap atorneqartup naleqqutinngitsumik sivisussuseqaraluartoq. Tamatuma kingorna aamma unnerluutigineqartup inuttut atugai allatut inerniliinissamik kinguneqartitsisinnaanngammata, eqqartuussisoqarfiup eqqartuussutaa atuuttussanngortinneqarpoq.

Eqqartuussisoqarfiup eqqartuussutaa atuuttussanngortinneqarpoq.

Suliap normua: K 181/20

Eqqartuussissutit nassuiaatillu