Nakuusernermut pisuutinneqarpoq kanngut. pinngitsuutinneqarpoq - K 177/20

Eqqartuussissut Nunatta Eqqartuussisuuneqarfianit oqaatigineqarpoq ulloq 10. november 2020. 

Eqqartuussisuuneqarfiup eqqartuussiveqarfiup pisuunermut appeqqut pillugu tunngavilersuutaa inerniliineralu isumaqatigaat. Eqqartuussisuuneqarfiup taamaalilluni eqqartuussisoqarfiup pinerlineqartup nakuusernermut unnerluussummi pisimasoq 1-imi allassimasutut pisuutitisinera isumaqatigaa.

Eqqartuussisuuneqarfiup aamma eqqartuussisoqarfiup pineqaatissiissummik aalajangigaa isumaqataaffigaa.

Eqqartuussisuuneqarfiup pineqaatissiissummik aalajangiinermi pingaartumik pingaartinneqarpaa, peqqarniitsumik nakuusersimaneq pillugu suliani pineqaatissiissutip, navianaatilinnik sakkulersortoqarsimatillugu, aallavittut aalajangersarneqartarmat pinngitsoorani pineqaatissinneqarsimasunut piffissami sivittajaami inissiisarfimmiittussanngortitsinermik.

Eqqartuussisuuneqarfiup pingaarutilimmik isiginiarpaattaaq, siusinnerusukkut pinerlineqartup unnerluutigineqartullu akornanni aaqqiagiinngittoqarsimanera, pinerlineqartup malunnaatilinnik ajoqusersimannginnera.

Pisimasoq september 2015-imi piliarineqarsimammat, suliallu suliarineqarneranut piffissap atorneqarsimasup sivisussusaa ilaatigut unnerluutigineqartup atugarisaanik peqquteqarmat, eqqartuussisuuneqarfiup isumaqatigaa, pineqaatissiissut aalajangersarneqassasoq utaqqisitamik qaammatini marlunni pineqaatissinneqarsimasunut inissiisarfimmiittussanngortitsinermik ukiumi ataatsimi misiligaaffilikkamik.

Unnerluutigineqartoq september 2015-imiik marloriarluni akiligassinneqarsimavoq, taamaattumillu pineqaatissiissut pinerluttulerinermi inatsimmi § 88, naggat siullermut, naleq. § 129, naleq. § 124 naapertorlugit.

Eqqartuussisuuneqarfik eqqartuussisoqarfik isumaqatigaa, pana atorneqartoq arsaarinnissutigineqassasoq, eqqartuussisoqarfiup aalajangiineratut.

Eqqartuussisoqarfiup eqqartuussutaa atuuttussanngortinneqarpoq.

Suliap normua: K 177/20

Eqqartuussissutit nassuiaatillu