Suliaq atorunnaarsinneqarpoq suliareqqitassanngortinneqarluni - K 151/20

Eqqartuussissut Nunatta Eqqartuussisuuneqarfianit oqaatigineqarpoq ulloq 30. november 2020.

Unnerluutigineqartoq eqqartuussiviup eqqartuussutaani pinngitsuutinneqarnikuuvoq pisimasuni pingasuni tallimaasuninngaanniit. Pisimasuni marlunni pisuutinneqarfigisaani (suliami pisimasoq 3 aamma 5) eqqartuussivik unnerluussummut tamakkiisumik isummersimanngilaq. Taamaalilluni ersernerlulluni, unnerluutigineqartoq sunut pisuutinneqarnersoq. Pisimasoq 5-mi, unnerluutigineqartup inooqatigisaminut nakuusersimaneranut tunngasumi isimmitsaanermut timaatigullu amerlassusilerneqanngitsumik annersitsisimanermut, kiisalu sioorasaarsimaneranut

imatukanneq oqarluni : “kiinnat sequmissavara”, takuneqarsinnaasutut eqqartuussisummi makku tunngavilersuutaanni:

“Ilisimannittoq arnaq pisimasoq pillugu nassuiaavoq, unnerluutigineqartup saassussineranut akisarsimalluni - tillunneqaraangami aamma nammineq taamannak pisarsimallugu. Eqqartuussisut uppernarsivaat, ilisimannittoq arnaq pisimasumi sioorasaarneqarsimasoq, tassami nassuiaammat, nakuuserfigineqarsimalluni, unnerluutigineqartorlu oqarsimasoq, allanut oqaraluarpat kiinaa sequmikkumallugu.

Nassuiaatigineqartut tunngavigalugit eqqartuussisut uppernarsivaat, unnerluutigineqartup unioqqutissimagai pinerluttulerinermi inatsit § 88 – nakuuserneq – naggammut siullermut aamma § 98 sioorasaarineq”

Nunatta eqqartuussisuuneqarfianit tunngavissarsinngilaq, toqqammavilersuutigineqartut aallaavigalugit, unnerluutigineqartoq sunut pisuutinneqarsimanersoq takusinnaannginnamikku, kiisalu pisimasoq 3-mi toqqammavilersuutigineqartuni takuneqarsinnaanani unnerluutigineqartup inooqatigiinnertik ingerlateqqiinnarusukkaluaraa.

Nunatta eqqartuussisuuneqarfianit nalinginnaasumik maluginiagaqarpoq, eqqartuussisut eqqartuussummut tunngavilersuisimanerat naammaginanngitsoq, uppernarsineqartunut, eqqartuussummut tunngavilersuutigineqartut, tak. Eqqartuussisarnermi inatsit § 477, imm. 1, nr. 1,  taamatulli aamma tunngavilersuutigineqartut, amigaatigineqarput, pinngitsuutitsinermut tunngavineqarsimasut, taakkartorneqarsimanngimmata, tak. § 477, imm. 2. Nr. 1

Annermik pisimasoq 1 pillugu nunata  eqqartuussisuuneqarfiata maluginiarpaa, eqqartuussiviup eqqartuussisarnermi inatsit § 476, imm. 3, naggat 1. Aamma 2.-mi aalajangerlasagaq, periarfissaqartitsisoq unnerluussummi allassimasut saneqqutilaarneqarsinnaanerannut pissutsit allat tunngavilersuutigisinnaanerannut, soorlu piffissaq sumiiffik, unnerluussummut attuumassuteqartut pillugit. Tassani, pisariaqarluni, eqqartuussiviup ilimagissagaa, unnerluutigineqartup pisimasumi tassani allaanerusoqarsimassasorissagaa, imminut illersornissaminut naammattumik periarfissaqartitsilersumik.  

Nunatta eqqartuussisuuneqarfiani suliap suliarneqarnerani sammineqanngillat uppernarsaatit unnerluutigineqartup pisuutinneqarneqaatigisai eqqornerutinneqarlunilu, eqqartuussiviup eqqartuussutaa suliarineqarfianut utertinneqassasoq aallaqqaataaniigassanngortinneqarluni, tak. Eqqartuussisarnermi inatsit § 560, imm. 1. Naammagineqarpoq, suliap suliareqqinnerani eqqartuussiviinnaq eqqartuussinerup nalilersorneqarnera kisiat sammineqarpat, tak. § 560, imm. 1, naggat kingullermut.

Eqqartuussiviup eqqartuussutaa atorunnaarsinneqarpoq aamma suliarineqarfianut utertinneqarpoq suliareqqitassanngortinneqarluni.

Suliap normua: K 151/20

Eqqartuussissutit nassuiaatillu