23 nov 2020
Nunatta Eqqartuussisuuneqarfia
Unioqqutitsilluni nanumik pisaqarnermik akiligassinneqarpoq - K 154/20
Unnerluutigineqartut marluk Qaasuitsup Eqq. pisuutinneqarput Nannunik piniarneq illersuinerlu pillugit Namminersorlutik Oqartussat nalunaarutaannik unioqqutitsimmata. Nanoq arnaviaq taassumalu piaraa ukiut pingajuat avillugu missaani ukiulik pisarigamikkit. Unnerluutigineqartut pisuunnginnerarput.
Eqqartuussissut Nunatta Eqqartuussisuuneqarfianit oqaatigineqarpoq ulloq 23. november 2020.
Uppernarsaareernermi, ilanngullugu pingaartumik unnerluutigineqartut marluullutik nassuiaareernerisigut, eqqartuussisuuneqarfimmit tunngavigineqarpoq, unnerluutigineqartut marluullutik piniaqatigiinnut akuusimasut, ullormi 29. oktober 2018 nanoq arnaviaq piaraalu aallaasimallugit. Taamaalillutik unnerluutigineqartut nassuerutigalugu marluullutik piniarnermut peqataasimallutik, taamatullu aamma ilisimasimallugu pineqartoq tassaammat arnaa piaqqamik malitsilik.
Nannunik piniarneq illersuinerlu pillugit Namminersorlutik Oqartussat nalunaarutaanni nr. 3 14. september 2018-imeersumi piaqqat arnaminnut atasut, aammalu ataatsimik amerlanernilluunniit piarallit ukioq naallugu eqqissisimatitaasut, § 3-millu unioqqutitsineq pineqaatissiissutitaqassasoq akiliisitaanermik.
Nalunaarut nr. 3 14. september 2018-meersoq inatsisartut inatsisaat nr. 29 18. December 2003-meersoq malillugu atulersinneqarsimavoq, pinngortitamik illersuinermi kiisalu nr. 12 29. Oktober 1999-meersumi piniarneq aamma aallaniarneq pillugit Inatsisartut inatsisaanni. Siulliullugu oqaatigineqartup § 1-iani ersersinneqarpoq, inatsisartut inatsisaat peqaataassasoq Kalaallit Nunaanni pinngitsortitap illersorneqarnissaanut, aamma illersuineq imminut attanneqarsinnaasumik tunngaveqarluni mianersornikkut inuillu inuuniarnerminni atugarisaat ataqqillugit aamma uummasunik naasunillu piujuaannartitsinissami.
Pinngortitap illersorneqarnissaa isiginiarlugu, pingaartumik uumasut nungoratarsinnaasut pillugit, inatsisimmi pineqarput, naammaginartutullu isumaqarfigineqarluni inatsisinik unioqqutitsilluni nannunnikkunut akiliisitsisoqartassasoq 10.000 kr.-inik. Tamatumunngalu oqaatigineqassaaq suliami matumani pineqarmata nannut marluk, tassami unnerluutigineqartut peqataaffigisimammassuk nanoq arnaviaq taassumalu piaraa pisaralugit.
Paasissutissat unnerluutigineqartut isertitaannut tunngassuteqartut allatut inerniliissutaasinnaanngillat.
Tamanna tunngavigalugu Nunatta Eqqartuussisuuneqarfiata eqqartuussisoqarfiup eqqartuussutaa atuuttussanngorpaa.
Suliap normua: K 154/20
Eqqartuussissutit nassuiaatillu