31 mar 2022
Nunatta Eqqartuussisuuneqarfia
Eqq. aalajangiinera atuuttussanngortinneqarpoq allannguuserlugu - K 215/20
Eqqartuussisoqarfiup aalajangiinera atuuttussanngortinneqarpoq ima allannguuserlugu, eqqartuunneqartoq imigassamik hashimillu ikioroorniutinilluunniit assingusunik atornerluinermut katsorsartinissaanik peqqussut ilanngunneqassanani.
Eqqartuussissut Nunatta Eqqartuussisuuneqarfianit oqaatigineqarpoq ulloq 11. december 2020.
Nunatta Eqqartuussisuuneqarfiup eqqartuussisoqarfik isumaqatigalugu pineqaatissiissutaasimasoq atuutsinnarneqassasoraa, eqqartussaasimasup pinerloqqinginnissaa pinaveersaartinniarlugu. Taamaattorli isertitanik, aningaasaatinik atuisinnaanermik killilersuinissaq aningaasatigullu pisussaaffinnik eqqortitsinissaq pillugu Pinerluuteqarsimasunik Isumaginnittoqarfiup aalajangersagaa atorunnaarsinneqassaaq.
Eqqartuussisuuneqarfiup tamatumani ingammik pingaartippaa, nakorsat oqaaseqaataannit ersersinneqartoq eqqartuunneqartoq tarniluttunut immikkoortortaqarfimmut 2019-imi 2020-milu arlaleriarluni unitsinneqartariaqarsimasoq aamma naammattumik nakorsaatitunngkkaangami kamaqqajaallunilu nakuuseqqajaalertartoq.
Uppernarsarneqanngimmat eqqartuunneqartoq imigassamik ikioroorniutinillu maannakkorpiaq atornerluisuusoq, maannakkorpiaq katsorsarteqquneqarnissaa eqqartuussisuuneqarfiup tunngavissaqarsorinngilaa.
Eqqartuussisoqarfiup aalajangiinera atuuttussanngortinneqarpoq ima allannguuserlugu, eqqartuunneqartup imigassamik hashimillu ikioroorniutinilluunniit assingusunik atornerluinermut katsorsartinissaanik peqqussut ilanngunneqassanani.
Suliap normua: K 215/20