Eqqartuussisoqarfiup eqqartuussutaa atuuttussanngortinneqarpoq - K 227/20

Eqqartuussissut Nunatta Eqqartuussisuuneqarfianit oqaatigineqarpoq ulloq 18. december 2020.

Niviarsiaraq pineqartoq nassuiaavoq unnerluutigineqartup utsummigut attualaarsimagaani annernartumillu inussani ”putuanut” mangussimagaa. Nassuiaatigisai ikorfartuiffigineqarput unnerluutigineqartup eqqartuussisoqarfimmi nassuiaataanit, tassa itersimalluni inussani niviarsiaqqap utsunut mangussimallugu. Niviarsiaqqap qularnaatsumik aamma uppernartumik nassuiaaneratigut, tamannalu ikorfartuiffigineqarpoq unnerluutigineqartup nassuiaataanit, eqqartuussisuunernit uppernarsineqartutut isigineqarpoq, unnerluutigineqartup niviarsiaraq nalikkaavisigut attualaarsimagaa, aammalu sivikitsumik inussani utsuinut mangussimallugu.

Niviarsiaqqap nassuiaanera naapertorlugu, unnerluutigineqartoq attualaarinnikkami eqqumavoq, attuaaninnera aallartippoq uppataasigut, tassanngaaniillu ingerlaqqissimalluni nalikkaavinut, namminerlu sinilersinnaasimanani, unnerluutigineqartup uteqqiasumik aperisarmani sinilersimanersoq, taamaattumik eqqartuussisuunerit isumaqarput eqqarsarnartoqanngitsoq unnerluutigineqartup nassuiaanera, sininnermini attualaarinninnerit pisimanerarlugit tunuartissallugu.

Pissutsit tamakkua tunngavigalugit eqqartuussisuuneqarfiup eqqartuussisoqarfik isumaqatigivaa, tassa unnerluutigineqartoq unnerluunneqarnermisut pisuusoq pinngitsaaliinermut allatut atoqatiginninnikkut panissaminut, taanna 11-inik ukioqarpoq pisimasoq pimmat.

Eqqartuussisoqarfiup tunngavilersuutitut oqaatigisai naapertorlugit, eqqartuussisuuneqarfiup isumaqatigivaa pineqaatissiissutip sivisussusilerneqarnera aamma mitagaanermut ajunngitsorsiassat, taamaattumillu eqqartuussisoqarfiup eqqartuussutaa atuuttussanngortinneqarpoq.

Suliap normua: K 227/20

Eqqartuussissutit nassuiaatillu