Qaammatini pingasuni inissiisarfimmiittussanngortinneqarluni - K 150/20

Eqqartuussissut Nunatta Eqqartuussisuuneqarfianit oqaatigineqarpoq ulloq 15. december 2020.

Suliani assingusuni pinngitsoorani inissiisarfimmiittussanngortitsisoqarluni aallaaviusumik pineqaatissiisoqartarpoq. Suliamik suliaqarnermut ukiut tallimaat avillugu atorneqarsimanerat, unnerluutigineqartup pisuussutiginngisaanik, innersuussutigalugu eqqartuussisuuneqarfiup suliami matumani inissiinissaq utaqqisitanngortinneqartariaqarsoraa. Pineqaatissiissut qaammatini pingasuni inissiisarfimmiittussanngortitsinermut aalajangersarneqarpoq, utaqqisitanngortinneqarporlu ukiumi ataatsimi misiligaaffiliinertalimmik.

Aningaasat pinerlunnermeersuunerat Eqqartuussisuuneqarfiup uppernarsarneqarsorimmagu aningaasat pinerluttulerinermi inatsimmi § 166, imm. 1 naapertorlugu arsaarinnissutigineqassapput, taamaattumillu unnerluussisussaatitaasut tamanna pillugu piumasaqaataat malinneqassaaq.

Oddsetkuponit saqqummiunneqartut aamma pinerlunnemeersuusorineqarsinnaammata, ilaatigut pinerlunnikkut aningaasannatanik malunnarunnaarsaanermut atorneqarsimallutik, taakkuttaaq arsaarinnissutigineqassapput, naleqq. pinerluttulerinermi inatsimmi § 166, imm. 2, nr. 1.

Piffissaq suliamut atorneqarsimasoq innersuussutigalugu eqqornerusorineqarpoq naalagaaffiup karsiata suliamut aningaasartuutit akilerpagit, naleqq. eqqartuussisarnermik inatsimmi § 480, imm. 1. 

Unnerluutigineqartoq pineqaatissinneqarpoq qaammatini pingasuni inissiisarfimmiittussanngortinneqarluni. Pineqaatissiissummik naammassinninnissaq kinguartinneqarpoq ukiumilu ataatsimi misiligaaffiliussaq qaangiuppat atorunnaassalluni.

Unnerluutigineqartoq katillugit 305.500 kr. kiisalu Oddsetkuponit suliami saqqummiunneqartut arsaarinnissutigineqassapput.

Suliap normua: K 150/20

Eqqartuussissutit nassuiaatillu