Gå til sidens indhold

Nunatta Eqqartuussisuuneqarfia

31 mar 2022

Nunatta Eqqartuussisuuneqarfia

Nalunaaquttap akunnerini 60-ni inuiaqatigiinni sullissineq - K 190/20

Nunatta Eqqartuussisuuneqarfiata arnaq eqqartuuppaa aningaasarsiaqarani nalunaaquttap akunnerini 60-ni inuiaqatigiinni sullissinissamik qaammatinik arfinilinnik sivisunerpaaffilikkamik, aamma pinerluttunik isumaginnittoqarfimmit ukioq ataaseq nakkutigineqassasoq.

Eqqartuussissut Nunatta Eqqartuussisuuneqarfianit oqaatigineqarpoq ulloq 10. december 2020.

Suliami pineqartoq tassaavoq aaqqiagiikkunnaarneq, tamannalu aallarnerneqarsimalluni nukappiaqqamit, annertusiartorsimallunilu nakuuserninnguuttumik. Unnerluutigineqartup pisoq manna sioqqullugu imaluunniit tamatuma kingornatigut inummut ulorianaatilimmik pinerluuteqarsimanngimmat, aamma pisoq, pisup annertusiartornerani aqussinnaajunaarsiamaneranut pisooqataatinneqartariaqarpoq inuttut ajutooqqanermi nalaaniisimasoq pisimasoq pinerani nalaani. Aamma unnerluutigineqartup pisimasup ilungernarsunartuunera nassuerutigivaa, nammineq iliuuserisami ilaqquttaminullu sunniutigisaa.

Taamaattumik, suliarlu unnerluutigineqartumut kinguneqartinneqareermat annertuumik, tassunga ilanngullugu angajoqqaarsiatut periarfissaarutitinneqarnikkut, eqqartuussisuuneqarfik isumaqarpoq aallaavittut suliami matumani pineqaatissiineq saneqqunneqarsinnaasoq. Utaqqisitamik pineqaatissinneqarsimasunut inissiisarfimmiittussanngortitsinissamik kinguneqartitsinissaq naammattutut isigineqanngimmat suliap ilungersunassusia iginiarlugu, aamma Pinerluttunik Isumaginnittoqarfiup inummik misissuinera imatut paasineqartariaqarmat, unnerluutigineqartoq tamatumunnga nalequtitinneqartoq, unnerluutigineqartoq eqqartuunneqarpoq inuiaqatigiinni sulisitassanngortinneqarluni, tak. Pinerluttuliornermi inatsimmi § 88, uniffik siulleq, tak. § 140.

Suliap ilungersunartuunera pissutigalugu sulisussaatitaaneq aalajangersarneqarpoq aningaasarsiaqarani nalunaaquttap akunnerini 60-ni inuiaqatigiinni sulisitaanermik, tamannalu naammassineqarsimassalluni sivisunerpaaffiliussap qaammatit arfinillit iluanni, tak. Pinerluttulerinermi inatsimmi § 141, imm. 1. Aamma unnerluutigineqartoq pinerluttunik isumaginnittoqarfimmit nakkutigineqassaaq ukiumi ataatsimi, tak. Pinerluttulerinermi inatsimmi § 141, imm. 2.

 

Suliap normua: K 190/20

Eqqartuussissutit nassuiaatillu