Akunnerni 40-ni inuiaqatigiinni sullissisussanngortitsinermik - K 187/20

Eqqartuussissut Nunatta Eqqartuussisuuneqarfianit oqaatigineqarpoq ulloq 14. december 2020.

Politiit nalunaatusiaanni pinerlineqartup apersorneqarneranut tunngasumi, nammineq assortunngisaa, eqqartuussisuunerit tunngavigaat, pinerlineqartup politiinut nassuiaaqqamminerani, unnerluutigineqartup kiinaatigut tillussimagaa. Nassuiaat taanna taperserneqarpoq paasissutissanit pinerlineqartup Dronning Ingrid-ip napparsimavissuani misissorneqarneranit, ajoqusernerit misissuinermi takuneqartunit. Tamatuma kingorna, aamma inunnik allanik pinerlineqartup ajoqusernerinik pilersitsisimasinnaasunik, imaluunniit ajoqusernerit annertuut nakkarnermit/orlunermit pisimasinnaanngimmata, eqqartuussisuunerit uppernarsisutut isigaat unnerluutigineqartup pinerlineqartoq kiinaatigut tilluttarsimagaa, taakkunannga ajoqusernernik malitseqartumik, unnerluussummi ersertutut.

Ukiut sisamagajaat qaangiuttut, pinerlineqartup ersarissumik pisimasumit eqqaamasaqannginnera ilaatigut niaqqumigut tilluartinneri, piffissallu sivisuup ingerlareersimanera peqqutaasimassaaq. Kiisalu nassuiaateqarsimavoq pisimasoq puingorniarsarisimallugu.

Aallaavittut peqqarniittumik nakuuserneq, ajoqusernermik taama annertutigisumik kinguneqartoq, uani suliami paasineqartutut pineqaatissiissut tassaassaaq pineqaatissinneqarsimasunut inissiisarfimmiittussanngortitsinermik aaliangersaaneq.

Suliap suliarineqarneranut piffissap atorneqartoq eqqarsaatigalugu, eqqartuussisuuneqarfiup eqqartuussisoqarfik isumaqatigaa, suliami uani pinngitsoorani pineqaatissinneqarsimasunut inissiisarfimmiititsisoqartariaqanngitsoq.

Suliap sakkortussusaa ataatsimut nalilersoreerlugu, suliap suliarineqarneranut piffissap atorneqartup sivisussusaa unnerluutigineqartullu inuttut atugai, ilaatigut Pineqaatissinneqarsimasunik Isumaginnittoqarfiup naliliineri unnerluutigineqartoq nakkutigineqarnissaminik pisariaqartitsisoq, pineqaatissiineq aaliangerneqarpoq akunnerni 40-ni inuiaqatigiinni sulisitaanermik, qaammatinik arfinilinnik siisunerpaaffilikkamik ingerlanneqartussanik, takk. pinerluttulerinermi inatsisit § 88, (punktum) naggat siulleq, takk. § 141, imm. 1. unnerluutigineqartoq Pineqaatissinneqarsimasunik Isumaginnittoqarfimmit ukiumi ataatsimi nakkutigineqassaaq, pinerluttulerinermi inatsimmi § 141, imm. 2 najoqq.

Eqqartuussisoqarfimmi tunngavigisatut oqaatigineqartut peqqutingalugit, taarsiivigineqarnissamut piumasaqaammut eqqartuussisoqarfiup aaliagiinera atuuttussanngortinneqarpoq.

Eqqartuussisoqarfiup eqqartuussutaa atuuttussanngortinneqarpoq ima allannguusikkamik, pineqaatissiissut aalajangersarneqarpoq akunnerni 40-ni inuiaqatigiinni sullissisussanngortitsinermik, qaammatinik arfinilinnik sivisunerpaaffilikkamik naammassisassamik. Aammalu unnerluutigineqartoq ukiumi ataatsimi Pineqaatissinneqarsisunik Isumaginnittoqarfimmit nakkutigineqassaaq.

Suliap normua: K 187/20

Eqqartuussissutit nassuiaatillu