20 jul 2020
Nunatta Eqqartuussisuuneqarfia
Napparsimasunut inissiisarfimmiittussanngorlugu - K 273/19
Unnerluutigineqartoq 2009-mi Danmarkimi Pinerluttunik Isumaginnittoqarfiup ataani tarnimikkut napparsimasunut pineqaatissinneqarsimasunut inissiisarfimmiittussanngorlugu eqqartuunneqarpoq.
Unnerluussisussaatitaasut piumasaqaatigaat eqqartuunneqarsimasumut pineqaatissiissut ulloq 19. juuni 2009-mi eqqartuussutigineqartoq allanngornagu atuuttussanngortinneqassasoq. Eqqartuussap suliap kinguartinneqarnissaa piumasaqaatigaa Pinerluttunik Isumaginnittoqarfimmit oqaaseqaatit nutaat utaqqeqqullugit. Danmarkimi pineqaatissinneqarsimasunut inissiisarfimmut ammasumut nuunneqarnissani kissaatigaa piumasaqaataasartullu malillugit misiliummik iperagaarusulluni.
Eqqartuussisuuneqarfiup inerniliinera
Eqqartuussisuuneqarfiup Pinerluttunik Isumaginnittoqarfimmit oqaaseqaatinik allanik aallernissaq tunngavissaqartinngilaa, eqqartuunneqarsimasup inooqataaqqilernissamut sungiusarnerata killiffianit paasissutissat kingulliit tunngavigineqarsimammata. Eqqartuussisuuneqarfiup naliliinera malillugu pineqaatissiissut allanngornagu atuuttussanngortinneqassaaq, parnaarussivimmit nalunaarummi allassimammat ukiap tungaanut kamattarlunilu sianissutsimigut allanngorarsimasoq. Taamaammat eqqartuussiviup aalajangernera atuuttussanngortinneqarpoq.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 10. februar 2020.
Suliap normua: K 273/19
Nunatta Eqqartuussisuuneqarfianit aaliangiineq
Sermersuup eqqartuussivianik aaliangiineq