Gå til sidens indhold

Nunatta Eqqartuussisuuneqarfia

14 mai 2020

Nunatta Eqqartuussisuuneqarfia

Qaammatini sisamani inissiisarfimmiittussanngortitsineq - K 082/20

Angut 24-nik ukiulik pinerlineqartumik, qasunini pissutigalugu akiuuteriarsinnaanngitsumik, marloriarluni atoqateqarsimanermut qaammatini sisamani inissiisarfimmiittussanngortinneqarluni Qaasuitsup Eqqartuussisoqarfianit eqqartuunneqarpoq.

Unnerluutigineqartoq mitagaanermut taarsiissutinik kr. 40.000-inik aamma akiliisussanngortinneqarpoq.

Eqqartuussisuuneqarfiup inerniliinera

Eqqartuussisoqarfik assigalugu eqqartuussisuuneqarfiup unnerluutigineqartoq pinerluttulerinermi inatsisip § 77-iani, imm. 1, nr. 2-mik, pinerlineqartumik akiuuteriarsinnaanngitsumik marloriarluni atoqatiginninneq, unioqqutitsinermut pisuutippaa. Illuatungeriit kingusinnerusukkut attaveqatigiittarsimanerat, aamma kingusinnerusukkut atoqatigiillutik, allatut inerniliinermik kinguneqartitsisinnaanngilaq, tamatumunngalu atatillugu oqaatigineqarpoq kingusinnerusukkut attaveqatigiissimaneq akisussaatitaajunnaarsitsinngitsoq. Eqqartuussisoqarfiup pineqaatissiissummik sivisussusiliisimanera eqqartuussisuuneqarfiup atuuttussanngortippaa, mitagaanermulli taarsiissutit kr. 60.000-inut qaffappai, akiuuteriarsinnaanngitsumik atoqateqarnerit marluk pineqarmata.

Ulloq aalajangiiffiusoq

Eqqartuussut Nunatta Eqqartuussisuuneqarfianit oqaatigineqarpoq ulloq 14. maj 2020

Suliap normua: K 082/20

Eqqartussissutit nassuiaatillu