15 dec 2020
Nunatta Eqqartuussisuuneqarfia
Inatsisinik unioqqutitsilluni pisaqarsimaneq - K 080/20
Angut 23-nik ukiulik qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaanni nr. 3-mi, 27. januar 2017-imeersumi § 7-imik unioqqutitsisimasutut kr. 5.000-inik akiligassinneqarluni Qaasuitsup Eqqartuussisoqarfianit eqqartuunneqarpoq,
taannami pisariaqartumik akuersissuteqarani qilalukkamik qaqortamik pisaqarsimanermut pisuutinneqarpoq. Aamma qilalukkap agguaqatigiissillugu nalingisa amerlaqatai kr. 26. 950-it arsaarinnissutigineqarput.
Eqqartuussisoqarfiup eqqartuussutaa taanna unnerluutigineqartumit suliareqqitassanngortinneqarpoq, piumasaqaatigineqarluni arsaarinnissuteqarnissamik piumasaqaateqarnermut pinngitsuutitsisoqassasoq.
Eqqartuussisuuneqarfiup inerniliinera
Suliami pissutsinik ataatsimut naliliinerup kingorna eqqartuussisuuneqarfip akiligassiissut kr. 2.000-inut appartinneqassasora. Eqqartuussisuuneqarfiup tamatumani pingaartippaa, kommunip akuersissutinik aatsaat pisaqareernerup kingorna pisanillu nalunaaruteqarnermut atatillugu tunniussisarnera.
Eqqartuussisuuneqarfiup unnerluutigineqartoq arsaarinnissuteqarnissamik piumasaqaateqarnermut pinngitsuutippaa, eqqartuussisuuneqarfiummi tunngaviutippaa taassuma qilalukkamik pisaqarnini iluanaaruteqarfigisimanngikkaa.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 20. maj 2020.
Suliap normua: K 080/20