Gå til sidens indhold

Nunatta Eqqartuussisuuneqarfia

12 mai 2020

Nunatta Eqqartuussisuuneqarfia

Killiligaanngitsumik inissiisarfimmiittussanngortitsineq - K 216/18

Eqqartuussaq 2013-mi inunnik pingasunik toqutsisimanerminut kiisalu toqungasut timaanut ileqqorluttuliorsimanerminut killiligaanngitsumik inissiisarfimmiittussanngorlugu eqqartuussaavoq.

Eqqartuussap eqqartuussivimmut piumasaqaatigaa pineqaatissiissutip katsorsagassanngortinneqarluni eqqartuussutitut allanngortinneqarnissaa, tullertullu pineqaatissiissutip atorunnaarsinneqarnissaa. Aalajangiinermi ulloq 18. juli 2018-meersumi Eqqartuussisoqarfik Qaasuitsup pineqaatissiissut eqqartuussutigineqarsimasoq atuuttussaatiinnarneqarpoq, matumani tarnikkut misissuinermit nalunaarusiap eqqartuussutip atuuttussaatiinnarneqarnissaa innersuussutigimmagu. Eqqartuussiviup ilanngullugu pinerluutigineqarsimasup sakkortussusaa tunngavilersuutigaa.

Eqqartuussap eqqartuussisuuneqarfimmut iperagaanissani tullertullu misiligummik iperagaanissani piumasaqaatigaa.

Eqqartuussisuuneqarfiup piumasaqaataa

Nakorsat eqqartuussivinnit siunnersorneqartartut oqaaseqaataat kingulliit kiisalu Herstedvesterimi Anstaltip oqaaseqaatai kingulliit tunngavigalugit eqqartuussisuuneqarfik isumaqarpoq piffissami matumani eqqartuunneqarsimasup iperagaanissaa tunngavissaqanngitsoq, tamakkiisumik imaluunniit misiligummik iperagaanissaa eqqarsaatigalugu. Eqqartuussisuuneqarfiup tunngavilersuutigaa eqqartuunneqarsimasoq nalunaarusiat suliamut atatillugu suliarineqarsimasut aallaavigalugit kiisalu Nakorsat Eqqartuussivinnit Siunnersorneqartartut isumaat aallaavigalugit, suli tarnimigut aalaakkaanngitsoq tarnikkullu peruluttoq, soorluttaaq ulorianartutut isigineqartoq. Tamatuma kingorna eqqartuussisuuneqarfiup pineqaatissiissut eqqartuussutaasimasoq atuuttussaatiinnarpaa.

Aalajangiinerup ullua

Aalajangiineq Nunatta Eqqartuussisuuneqarfianit oqaatigineqarpoq ulloq 12. maj 2020.

Suliap normua: K 216/18

Aaliangiussaq