19 maj 2020
Nunatta Eqqartuussisuuneqarfia
Peqquserlunneq pillugu suliami eqqartuussut - K 078/20
Angut 44-nik ukiulik suliffiminiit tillissimanermut Qaasuitsup Eqqartuussisoqarfianit pisuutinneqarpoq, taassumami Oddset kuponit akilernagillu aningaasanngortissimavai. Taanna ulluni 30-ni inissiisarfimmiittussanngortinneqarpoq suliffimminullu kr. 38.790-inik taarsiisussanngortinneqarluni.
Eqqartuussisoqarfiup eqqartuussutaa taanna unnerluutigineqartumit suliareqqitassanngortinneqarpoq pinngitsuutitsinissaq piumasaqaatigineqarluni.
Eqqartuussisuuneqarfiup inerniliinera
Eqqartuussisuuneqarfiup unnerluussisussaatitaasut eqqartuussinissamut pisariaqartumik uppernarsaasimasorinngilai, ilisimannittummi aggersarneqarsimasup nuussinerunerarneqartut erseqqinnerusumik nassuiarsinnaanngilai, taamatuttaaq videokkut nakkutilliissummeersunik takutitsisoqanngilaq.
Tamanna tunngavigalugu eqqartuussisuuneqarfiup pineqartoq tillinnermut pinngitsuutippaa.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 19. maj 2020
Suliap normua: K 078/20
Nunatta Eqqartuussisuuneqarfiata eqqartuussutaa