29 maj 2020
Nunatta Eqqartuussisuuneqarfia
Tillinneq, eqqissiviilliortitsineq atoqatiginneriaraluarneq - K 044/20
Angut 20-nik ukiulik tillinnermut kiisalu tilleriaraluarnermut, aallarussinermut, pinngitsaaliilluni atoqatiginneriaraluarnermut, pigisanik ajoqusiinermut nassaanillu unioqqutitsisumik atuinermut Qaasuitsup Eqqartuussisoqarfiani unnerluutigineqarpoq.
Eqqartuussisoqarfiup taanna ukiuni marlunni inissiisarfimmiittussanngortippaa. Aammattaaq niviarsiamut pinngitsaalillugu atoqatigeriaraluakkaminut kr. 30.000-inik mitagaanermut taarsiisussanngortinneqarpoq. Tamatuma saniatigut pinngitsaaliilluni atoqatiginninnermut tillinnermullu pinngitsuutinneqarpoq.
Unnerluutigineqartup suliaq suliareqqitassanngortippaa, tillinnernut marlunnut pinngitsaaliillunilu atoqatiginneriaraluarnermut tunngatillugu pinngitsuutinneqarnissaq piumasaqaatigalugu tamatumalu saniatigut sakkukillisaavigineqarnissaq piumasaqaatigaa.
Eqqartuussisuuneqarfiup inerniliinera
Niviarsissap nassuiaataa tunngavigalugu eqqartuussisuuneqarfiup uppernarsarneqarsoraa unnerluutigineqartup taanna pinngitsaalillugu atoqatigeriaraluarsimagaa aamma niviarsissap pinaasernerujussua taamaallaat pissutigalugu pinngitsaaliilluni atoqateqarnissaq pinngitsoortinneqarsimasoq.
Tillinnerup aappaanut tunngatillugu eqqartuussisuuneqarfik isumaqarpoq unnerluutigineqartoq kammalaatini ilagalugu arsaatinik tilissimasoq, taakkuami biilit kammalaatinilu aallarussimasaasa tunuanniipput. Arsaatinik tillinnini pissarsissutigisimanngimmagu imaanngilaq tillinneq eqqartuussaassutigissanngikkaa. Eqqartuussisuuneqarfiup tamatumunnga atatillugu oqaatigaa kammalaatimi arsaatit biiliniit tigullugit taakkuninnga toqqorsinera pinngitsoortinniarlugu iliuuseqarsimanngitsoq.
Tillinniarnermi kingullermi eqqartuussisuuneqarfiup taamaallaat uppernarsarneqarsoraa unnerluutigineqartoq unioqqutitsilluni illumut isertersimasoq, tillinnermullu pinngitsuutippaat.
Tamatuma saniatigut eqqartuussisoqarfiup eqqartuussutaa eqqartuussisuuneqarfiup atuuttussanngortippaa.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq n 29. maj 2020
Suliap normua: K 044/20
Nunatta Eqqartuussisuuneqarfiata eqqartuussutaa
Qaasuitsup eqqartuussiviata eqqartuussutaa
Nassuiaat