12 okt 2020
Nunatta Eqqartuussisuuneqarfia
Pineqaatissinneqartut sakkukillisaaffigineqarnerat - K 070/20
Angut 47-nik ukiulik Eqqartuussisoqarfik Qaasuitsumit imigassartorsimatilluni ingerlatsisimanermut, tassa biilinik motoorilinnik aani minnerpaamik 1,90-nik akoqartoq ingerlatsisimasutut pisuutinneqarpoq.
Unnerluutigineqartoq ilanngullugu qajassuussisimanngilaq kiisalu pisariaqartumik sissuersimanani, matumani biilertilluni biilit allat aporsimammagit annertuumik atortutigut ajoqqusertillugit. Unnerluutigineqartoq tamatuma saniatigut apuinermi kingorna unissimanngimmat eqqartuussiviup nalilerpaa unnerluutigineqartoq ukiup aappaata affaani qamutinik motoorinik ingerlatilinnik ingerlatsisinnaanermut allagartaajarneqartariaqartoq. Unnerluutigineqartoq ilassutitut akiligassinneqarpoq 15.000 kr.-nik, soorluttaaq biilit ajoqqusersimaneri peqqutigalugit sillimmasiisarfimminut 77.500 kr.-nik akiliisussanngortoq.
Eqqartuussisuuneqarfiup naliliinera
Eqqartuussisuuneqarfimmut suliaq taamaallaat sillimmasiisarfiup taarseeqqusissutaanut tunngavoq. Suliami biilit ajoqqusernerisa assilineqarneri saqqummiunneqartut tunngavigalugit eqqartuussisuuneqarfiup nalilerpaa, unnerluutigineqartoq biilit ajoqqusersimaneri pillugit sillimmasiisarfimmut taarsiissasoq taamaalillunilu eqqartuussiviup eqqartuussutaa atuuttussanngortillugu.
Unnerluussisussaatitaasut ilanngullugu eqqartuussisuuneqarfimmut piumasaqaateqarsimapput, matumani taarseeqqusissutip 80.250,13 kr.-nut qaffanneqarnissaa piumasarineqarluni, peqqutigalugu sillimmasiisarfik alla ilanngulluni piumasaqarsimammat. Eqqartuussisuuneqarfiup piumasaqaatip taassuma saqitsaannermik suliassanngortinneqarnissaa innersuussutigaa, peqqutigalugu piumasaqaat pingaarnertut isumaqatiginninniarnissaq sioqqullugu unnerluutigineqartumut ilisimatitsissutigineqarsimanngimmat.
Aalajangiinerup ullua
Eqqartuussut Eqaartuussisuuneqarfimmit oqaatigineqarpoq ulloq 6. maj 2020.
Suliap normua: K 070/20
Nunatta Eqqartuussisuuneqarfiata eqqartuussutaa
Qaasuitsup eqqartuussiviata eqqartuussutaa