13 jun 2022
Nunatta Eqqartuussisuuneqarfia
Najamminut kannguttaattuliorsimasutut suliami eqqartuussut - K056/20
Angut 22-nik Qeqqata Eqqartuussivianit eqqartuunneqarpoq akiliisitsissummik 10.000 koruuninik annertussusilimmik kiisalu mitagaasimanermut taarsiissuteqassasoq 5.000 koruuninik annertussusilimmik.
Najammi qulingiluanik ukiullip qarliinik truusinillu kivileeriaraluarsimasutut, angajoqqaat niuerniarnerisa nalaani pisimalluni.
Unnerluutigisap eqqartuussiviup eqqartuussutaa suliareqqitassanngortippaa pinngitsuutitaanissaq piumasaqaatigalugu.
Eqqartuussisuuneqarfiup inerniliinera
Eqqartuussisuuneqarfiup niviarsiaqqap nassuiaataa ersarissutut uppernartutullu isigaa eqqartuussiviullu pisuunermut naliliinera isumaqatigalugu. Pineqaatissiissutissap aalajangerniarnerani eqqartuussisuuneqarfiup pingaartutut isigaa, kannguttaattuliorneq annikinnerusoq matumani pineqartoq, niviarsiaraq atisaajarneqarsimalluni, kisiannili tiinganiarnermut tunngasumik attuualaarisoqaranilu oqaaseqartoqarsimanngitsoq. Sakkortulisaatitut eqqartuussisuuneqarfiup pingaartutut isigaa, niviarsiaraq qulingiluaannarnik ukiulik pisoq pisimammat, aammalu unnerluutigisap, niviarsiaqqap aniata, isumassorlugu paaqqutarisimasariaqaraluaraa. Pissutsit tamakku innersuussutigalugit unnerluutigisallu aningaasaqarniarnikkut inissisimanera tunngavigalugu eqqartuussisuuneqarfiup pineqaatissiissutissatut aalajangerpaa akiliisitsinermut 5.000 koruuninik annertussusilimmut. Mitagaasimanermut taarsiissutissaq 5.000 koruuninut aalajangerneqarsimasoq atortussanngortinneqarpoq.
Aalajangiinerup ullua
Nunatta Eqqartuussisuuneqarfiata eqqartuussut oqaatigaa ulloq 2. juuni 2020
Suliap normua: K 056/20
Nunatta Eqqartuussisuuneqarfiata eqqartuussutaa
Nassuiaat