22 jun 2020
Nunatta Eqqartuussisuuneqarfia
Pineqaatissiissutaasoq allanngortinnagu atortussaatinneqarpoq - K 280/19
Angut 2010-meersumit eqqartuunneqarpoq piffissami killilingaangitsumi, ilaatigut nakuuserneq, siorasaarineq, pinerluummit pissarsiamik atueqataaneq, pinngitsaaliilluni atoqateqarneq, toqutsineq kiisalu toqungasup timaanik assuarnartumik iliuuseqarsimasutut unioqqutitsinikkut.
Eqqartuussissut Nunatta Eqqartuussisuuneqarfianit oqaatigineqarpoq ulloq 22. juni 2020.
Suliami nalunaarusiat pigineqartut tunngavigalugit, tassunga ilanngullugu Pinerluttunik Isumaginnittoqarfiup oqaaseqaataa 25. maj 2020-meersoq, tunngavigineqarpoq unnerluutigineqartoq suli inuttut ajornartorsiuteqarmat aamma imminut tunngasunik paasisimasaqarnera amigarluni, pisortanullu isiginninnera naammagittaatsuulluni malersorneqarasugaluni isummersortarluni. Eqqartuussisuuneqarfik isumaqarpoq unnerluutigineqartup nassuaateqarnermigut qulaani nalunaarusiat annersaat uppernarsiiffigigai.
Aarlerinassusianik naliliineq tunngavigalugu eqqartuussisuuneqarfiup aamma tunngavigivaa, suli ingasanngitsumik aarlerinaateqartoq nakuuseqqinnissamut aamma pinngitsaaleeqqinnissamut, oqaatigineqarporlu aarlerinassusia iliuuseqaqqinnissamut allaat nalilerneqarmat ingerlaqateqartinneqaraluarluni aarlerigineqartoq.
Tamatumunnga atatillugu unnerluutigineqartoq suli ingerlaqateqartinneqarluni aneertalersimanngilaq, taamaattumillu tunngavissaqanngilaq aalajangiiffigissallugu iperagaanissaa, iperavillugu imaluunniit misiligutaasumik iperagaatillugu tak. pinerluttulerinermi inatsimmi § 162, imm. 1. Pissutsit unnerluutigineqartup oqaatigisai tunngavissaqanngitsumik itigartitaasimalluni aneertalernissaminut, allatut inerniliissutaasinnaanngillat.
Tassunga atatillugu oqaatigineqassaaq, suliamut atatillugu saqqummiunneqarsimammata nalunaarusiat arlallit 2020-ip upernaavani pisimasut unnerluutigineqartoq sulisunut siorasaarisarsimaneri kiisalu unioqqutitsilluni tigumiaqartarsimalluni, tassunga ilanngullugu hashi.
Tamanna tunngavigalugu eqqartuussisoqarfiup aalajangigaa nunatta eqqartuussisuuneqarfianit atuuttussanngortinneqarpoq.
Suliap normua: K 280/19
Eqqartuussissutit nassuiaatillu