14 mar 2022
Nunatta Eqqartuussisuuneqarfia
Ulluni 70-ini pineq. inissiisarfimmiittussangortillugu - K 108/20
Angut 22-nik ukiulik Sermersuup Eqq. pisuutinneqarpoq namattakkamini Nikemi hashimik 89,11 gramimik tuniniaqqinniakkaminik toqqortaqarami kiisalu pinerluttulerinermi inatsisip nakuuserneq pillugu aalajangersagaanik unioqqutitsinermut.
Eqqartuussissut Nunatta Eqqartuussisuuneqarfianit oqaatigineqarpoq ulloq 19. august 2020.
Unnerluutigineqartoq Eqqartuussisoqarfik Sermersuumit ulloq 19. august 2019 eqqartuunneqarpoq pisuutinneqarluni pinerluttulerinermi inatsimmi § 88-imik unioqqutitsinermut aamma aangaajaarniutit pillugit nalunaarummi § 27-imik, tamannalu eqqartuussaassutigivaa utaqqisitamik ulluni 70-ni pineqaatissinneqarsimasunut inissiisarfimmiittussanngortitaamik kiisalu akiligassinneqarluni 9.000 kr.-inik. Unnerluutigineqartoq aamma pisussaaffilerneqarpoq ilaannakortumik suliamut aningaasartuutit 7.700 kr.-it akilissagai.
Suliaq nunatta eqqartuussisuuneqarfianit sivisussusiliilluni suliareqqitassanngortitsinertut suliarineqarpoq.
Pineqaatissiissutissamik aalajangiiniarnermi eqqartuussisuuneqarfimmit pingaartinneqarpoq pinerluutip isikkua, aamma unnerluutigineqartoq siusinnerusukkut nakuusernermut eqqartuussaareersimanera, aammalu pisimasut suliami matumani utaqqisitamik eqqartuussutip misiligaaffittaani piliarineqarsimaneri.Taamatullu aamma eqqartuussisuuneqarfimmit pingaartinneqarluni, eqqartuussutigineqartup inuiaqitigiinni sulisitaanissaa suli atuutitilerneqarsimannginnera.
Nunatta eqqartuussisuuneqarfiata eqqartuussisoqarfiup pineqaatissiissummik aalajangersagaa isumaqatigivaa.
Eqqartuussisoqarfimmi suliami aningaasartuutinut tunngatillugu eqqartuussisuuneqarfik isumaqarpoq unnerluutigineqartup akiligassaa eqqortumik 50%-iusariaqartoq, taamaattumik eqqartuussisoqarfiup eqqartuussutaa taamatut allanngortinneqarluni.
Eqqartuussisoqarfiup eqqartuussutaa atuuttussanngortinneqarpoq imatut allannguuserlugu, suliami aningaasartuutit unnerluutigineqartup akiligassai eqqartuussisoqarfiup suliamik suliaqarnerani aningaasartuutit appartinneqarput 4.850 kr.-inngortinneqarlutik.
Eqqartuussisuuneqarfiup suliamik suliaqarnerani aningaasartuutit affai unnerluutigineqartumit akilerneqassapput, affaalu inaarutaasumik naalagaaffiup karsianit akilerneqassallutik.
Suliap normua: K 108/20
Eqqartuussissutit nassuiaatillu