16 dec 2020
Nunatta Eqqartuussisuuneqarfia
Paarisassanngortitsisoqarluni eqqartuussut atuutsiinnarneqartoq - K 123/20
Angut 33-nik ukiulik arlaleriarluni nakuusersimasutut, siorasaarisimasutut toqutseriarsimasutullu Eqqartuussisoqarfimmit Sermersuumit eqqartuunneqarluni Danmarkimi inissiisarfimmi tarnip pissusiinik ilisimasalinnit aqunneqartumi sivisussiligaanngitsumik immikkut paarisassanngortinneqarnikuuvoq.
Eqqartuussaq siornatigut assingusumik pinerlunnernut annikinngitsunut pineqaatissinneqartareernikuuvoq. Suliaq eqqartuussisoqarfimmut suliassanngortinneqarpoq pinerluttulerinermi inatsimmi § 162, imm. 4 naapertorlugu, unnerluussisussaatitaasummi misiligummik iperagaatitsinissaq pillugu suliaq eqqartuussivimmut suliassiissutigisussaavaat eqqartuussuteqarnermiit kingusinnerpaamik ukiut pingasut qaangiunneranni.
Eqqartuussaq Herstedvesterimut pitinneqarnermi kingunitsianngua Risskovimi Retspsykiatrisk Afdelingimut nuutsinneqarpoq, tarnikkut napparsimasorineqarami.
Eqqartuussisoqarfiup pineqaatissiissutaasimasoq atuutsiinnarsimavaa, nakorsat oqaaseqaataanni inerniliinerit innersuussutigalugit, tamannalu Pinerluuteqarsimasunik Isumaginnittoqarfiup isumaqataaffigisimavaa, pineqaatissiissutillu allanngortinneqarnissaa inassutigisimanagu.
Eqqartuussisoqarfiup aalajangiinera taanna eqqartuussap eqqartuussisuuneqarfimmut aalajangeqqitassanngortippaa iperagaanissaq, tamakkiisumik ilaannakkortumilluunniit, piumasaqaatigalugu.
Eqqartuussisuuneqarfiup inerniliinera
Eqqartuussisoqarfiup tunngavilersuutigisimasaasa assingi tunngavilersuutigalugit pineqaatissiissutaasimasup atuutsiinnarneqarnissaa eqqartuussisuuneqarfiup isumaqataaffigaa. Eqqartuussisuuneqarfiup oqaatigaattaaq, eqqartuussap napparsimavissuarmi retspsykiatriskimik immikkoortortaqarfianut nuutsinneqarsimanera, taamaalillunilu eqqartuussisut aalajangiinerattut pineqaatissiissutaasumik atuisimannginnera tamakkiisumik ilaannakortumilluunniit misiligummik iperagaatitsinermik kinguneqarsinnaanngitsoq, nuutsitsinermi iperagaajartuaartitsinerup aallarnerneqarneratut isigineqarsinnaanngilaq.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 14. september 2020
Suliap normua: K 123/20
Eqqartuussissutit nassuiaatillu