Kinguaassiuutitigut atornerluinerit peqqarniitsut - K 141/20

Angut nukappiaqqamik, atornerluinerit aallartimmata arfineq-pingasunik ukiulimmik, ukiuni qulini kinguaassiuutitigut atornerluinermut eqqartuussisoqarfimmit eqqartuunneqarsimavoq. Kinguaassiuutitigut atornerluinerit ima ilungersunartigaat pinngitsaaliilluni atoqateqarnerusimallutik, meeqqamik atoqateqarnerullutik pileritsatsitsinerullutillu. Aamma eqqartuunneqarpoq angummik inersimasumik inuusukkaamik pinngitsaaliilluni atoqateqarsimanermut, nukappiaqqamik 15-it inorlugit ukiulimmik atoqateqarsimanermut aamma pornoliamik meeqqanut tunngasumik pigisaqarnermut.     

Eqqartuussisoqarfiup eqqartuussutaa taanna angummit suliareqqitassanngortinneqarpoq, taannalu kinguaassiuutitigut atornerluinermut tunngatillugu pisuunnginnerarpoq.

Eqqartuussisuuneqarfiup inerniliinera

Eqqartuussisoqarfiup angummik qulaani eqqaaneqartutut kinguaassiuutitigut atornerluinernut pisuutitsisimanera eqqartuussisuuneqarfiup isumaqataaffigaa. Taassuma pornolianik meeqqanut tunngasunik pigisaqarnermut unnerluussutit suliareqqitassanngortinngilai.

Nakorsat eqqartuussisunit isumasiorneqartartut oqaatigaat angut tarnikkut napparsimasoq, inassutigaallu eqqartuunneqassasoq Danmarkimi tarniluttunut napparsimmavissuarmut inissineqarluni. Eqqartuussisuuneqarfik aalajangerpoq nakorsat eqqartuussisunit siunersiorneqartartut inassuteqaataat malinniarlugu. 

Angut inuusuttoq ukiut qulit ingerlanerini atornerlunneqarsimasoq mitagaanermut taarsiissutinik kr. 150.000-inik taarsiivigineqassaaq.

Angut inersimasoq pinngitsaalineqarluni atoqatigineqarsimasoq mitagaanermut taarsiissutinik kr. 120.000-inik taarsiivigineqassaaq.

Ulloq aalajangiiffiusoq

Eqqartuussut Nunatta Eqqartuussisuuneqarfianit oqaatigineqarpoq ulloq 21. september 2020.

Suliap normua: K 141/20

Eqqartuussissutit nassuiaatillu