17 sept 2020
Nunatta Eqqartuussisuuneqarfia
Qaammatini qulini inissiisarfimmiittussanngortitsineq - K 140/20
Angut toqqusaassiinikkut nakuusernermut savimmillu kapisinermut, pinerlineqartoq annikitsumik ajoquserlugu, qaammatini qulini inissiisarfimmiittussanngortinneqarpoq.
Angut toqqusassiinikkut nakuusernermut savimmillu kapisinermut eqqartuussisoqarfimmit eqqartuunneqarsimavoq. Taamanikkut peeqqani nakuuserfigisimavaa. Niaqqup utugguatigut savimmik pingasoriarluni kapisisoqarsimavoq, pinerlineqartup kilerneranik kinguneqartumik, tamarmik immikkut ataatsimik kilulerlugit mersorneqarsimasunik. Aamma arnaq ersamigut kilersimavoq,tallimanik kilulerlugu mersorneqartariaqartumik assammilu illuatigut kilersimalluni marlunnik kilulerlugu mersorneqartariaqartumik.
Eqqartuussisoqarfiup eqqartuussutaa taanna angutip eqqartuussisuuneqarfimmut suliareqqitassanngortippaa, savimmik kapisinermut pisuunnginnerarluni.
Eqqartuussisuuneqarfiup inerniliinera
Eqqartuussisuuneqarfiup eqqartuussisoqarfik isumaqatigalugu uppernarsarneqarsimasoraa angutip arnaq marloriarlugu toqqusassisimagaa aamma niaquata utugguatigut pingasoriarlugu, kiinaatigut ataasiarlugu assaatigullu ataasiarlugu savimmik kapisimagaa.
Pineqaatissiissut qaammatini qulini inissiisarfimmiittussanngortitsinermut aalajangersarneqarpoq. Eqqartuussisut ilaatigut pingaartippaat, sakkoqarluni peqqarniitsumik nakuusernernik suliani pineqatissiissutissat pillugit siornatigut eqqartuussisaasiusimasoq. Aalajangiinermi pingaartinneqarpoq pinerlineqartup annertuunik ajoqusersimannginnera, taamaattumillu tunngaviutinneqartariaqarpoq savik sakkortuumik atorneqarsimanngitsoq. Aammattaaq nassuiaatinit ersersinneqarpoq, arnap angut ajammagu ajoqusernerit ilaat pilersimassasut.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 17. september 2020.
Eqqartuussissutit nassuiaatillu