Tilluaalluni nujaartuillunilu nakuuserneq - K 147/21

Eqqartuussissut Nunatta Eqqartuussisuuneqarfianit oqaatigineqarpoq ulloq 6. oktober 2021. 

Unnerluutigineqartoq angut

Unnerluutigineqartoq Nunatta eqqartuussisuuneqarfiata arnaq pineqartoq nakuuserneq pillugu aamma nakuuserfigitinnerup sivisussussaanik nassuiaanera tunngavigalugu, sanilliunneqarlutik tilluusanik assit aamma nakorsap politiinut uppernarsaataanit, uppernarsineqarpoq unnerluutigineqartup piffissami nalunaaquttap akunnerinik arlallinnik sivisutigisumi arnaq pineqartoq arleriarlugu kiinaatigut timaatigullu tilluarsimammagu, nujaartorlugu aamma qungasersisarlugu unnerluussummi allaaserineqartutut.

Taamaattumik unnerluutigineqartoq pisuutinneqarpoq unioqqutitsinermut pinerluttulerinermi inatsimmi § 88 qulaani oqaatigineqartutut annertutigisumik.

Unnerluussisussaatitaasunit piumasaqaatigineqartumut atatillugu nunatta eqqartuussisuuneqarfiata isumaqatigivaa pineqaatissiissutip aalajangersarneqarnera ulluni 60-ni pineqaatissinneqarsimasunut inissiisarfimmiittussanngortinneqarnermik, nunatta eqqartuussisuuneqarfia tunngavissarsisimanngilaq utaqqisitanngortitsinissamik, nakuusernerup piffissami sivisuumik pisimanera aamma ajoqusiinerit pissutigalugit.

Unnerluutigineqartoq arnaq  

Unnerluutigineqartoq pisuunerarpoq, angut pineqartoq tunuatigut igaffiup savianik kapisimallugu.

Unnerluutigineqartup kissaatigisimavaa annikitsuinnarmik pisimasut nassuiaateqarfiginiarlugit angut pineqartoq savimmik kapigamiuk, angullu pineqartoq tunumigut qeqqatigut kapineqarsimammat, nunatta eqqartuussisuuneqarfiata isumaqanngilaq imminut illersorniarnerusimasoq pinerluttulerinermi inatsimmi § 9-mi ilaatinneqarsinnaasumik, naak savimmik kapisineq angutip pineqartup nakuusernerata ingerlaqqinnerigaluaraa, aamma naak malugisinnaagaluaraa taassuma nakuusernini ingerlatiinnarniaraa. 

Unnerluussisussaatitaasut piumasaqaateqarnerat pinerluttulerinermi inatsimmi § 123, imm. 1, nr. 3 tunngavigalugu, nunatta eqqartuussisuuneqarfia isumaqataavoq pineqaatissiissutip aalajangersarnissaanut qaammatini sisamani pineqaatissinneqarsimasunut inissiisarfimmiittussanngortinneqarnermik, nunatta eqqartuussisuuneqarfia pingaartumik nakuusernerup ulorianassusia pissutigalugu tunngavissarsisimanngimmat utaqqisitanngortitsinissamik.

Eqqartuussisoqarfiup eqqartuussutaa atuuttussanngortinneqarpoq. 

Suliap normua: K 147/21

Eqqartuussissutit nassuiaatillu