28 okt 2021
Nunatta Eqqartuussisuuneqarfia
Ulluni 20-ni pineq. inissiisarfimmiittussanngortinneqarluni - K 234/21
Angut 39-nik ukiulik eqqartuunneqarpoq ulluni 60-ni inissiisarfimmiittussanngortinneqarluni, panissani inuusoq 6. nov. 2003 truusiisa ataatigut attuuavaa, nissumi uppatimilu akornatigut nalikkaami tungaanut aamma nalikkaammigut.
Eqqartuussissut Nunatta Eqqartuussisuuneqarfianit oqaatigineqarpoq ulloq 28. oktober 2021.
Unnerluutigineqartoq nassuerpoq panissani attortoorsimallugu, aqaguanilu utoqqatserfigisimallugu. Niviarsiaraq uppernartumik nassuiaavoq, unnerluutigineqartup unnuat ilaanni truusimigut nalikkamigut attuuasimagaani, taamatullu pisoqarnerani oqarsimasoq “ssssh” sininniaqqeqqusimallugulu.
Nunatta eqqartuussisuuneqarfianit tunuartinneqarpoq unnerluutigineqartup nassuiaanera, sinissimanerarluni, nunatta eqqartuussisuuneqarfia isumaqataavoq pisuutinneqarneranut pinerluttulerinermi inatsimmi § 84 tunngavigalugu. Pissutsillu imaannerat, qanga pisimasup piliarineqarnerata piffissartaa qularutigineqarmat, unnerluutigineqartup nassuerutigimmagu pisoqarsimanera, isumaqarfigineqanngilaq imminut illersorniarnerigalua pingaaruteqanngitsoq, taamaattumillu nunatta eqqartuussisuuneqarfianit pingaartinneqarani.
Pineqaatissiissut aalajangersarneqarpoq ulluni 20-ni pineqaatissinneqarsimasunut inissiisarfimmiittussanngortinneqarnermik.
Nunatta eqqartuussisuuneqarfianit pineqaatissiissummik aalajangersaanermini siullertut pingaartippaa, pisimasoq pisimammat unnerluutigineqartup panissaanut, aappaatigullu aamma pisimasoq ataasiummat, unnerluutigineqartoq siusinnerusukkut pineqaatissinneqarluni eqqartuussaanikuunani.
Pisimasup pissusia isiginiarneqarluni nunatta eqqartuussisuuneqarfiata tunngavissaqartissimanngilaa unnerluutigineqartup eqqartuunneqarnissaa inuiaqatigiinni sulisitaanermik imaluunniit pineqaatissiissutip utaqqisitanngortinneqarnissaanut.
Eqqartuussisoqarfiup mitagaanermut atatillugu ajunngitsorsiassat aalajangigai atuuttussanngortinneqarput.
Eqqartuussisoqarfiup eqqartuussutaa allanngortinneqarpoq imaalillugu, unnerluutigineqartoq eqqartuunneqarpoq ulluni 20-ni pineqaatissinneqarsimasunut inissiisarfimmiittussanngortinneqarluni.
Unnerluutigineqartoq ullut 14-it qaanngiutsinnagit akilissavai 5.000 kr.-it niviarsiaqqamut. Aningaasat ernialersorneqassapput taarsiissuteqarnissamut akisussaassuseqarnermik inatsimmi § 16 naapertorlugu.
Suliap normua: K 234/21
Eqqartuussissutit nassuiaatillu