29 okt 2021
Nunatta Eqqartuussisuuneqarfia
Akiligassiissutit 6.500 kr.-it akilissavai - K 209/21
Arnaq 28-nik ukiulik Sermersuup eqqartuussivianit pinngitsuutinneqarpoq, taanna pisimasuni sisamani unnerluutigineqarpoq, ilaatigut aningaasamik salloqittaammik atuiniarsimasoq aammalu arlaleriarluni tusasnormut assigiinngitsut ilisimannittup kortianik immersorsimanera.
Eqqartuussissut Nunatta Eqqartuussisuuneqarfianit oqaatigineqarpoq ulloq 29. oktober 2021.
Pisimasoq 1
Nunatta eqqartuussisuuneqarfia isumaqarpoq pappiala unnerluutigineqartup unnerluussaassutigisa pisimasoq 1-milu atoriaraluarsimasaa, pappialap ilusiatigut niivissutigissallugu ilumoortutut naleqqutinngitsoq, tassami sananerani atorneqarsimasut aamma pissutsit imaannerat, pappiala assigiinnik titargartalinnik marlunnik nipittartumik nipititaq ilumoortutut isikkoqanngilluinnarmat. Tamanna aamma ilisimannittup nassuiaanermi uppernarsarpaa. Taamaattumik nunatta eqqartuussisuuneqarfianut uppernarsineqanngilaq, unnerluutigineqartup siunertarisimagaa niivissutiginissaa.
Taamaattumik unnerluutigineqartoq pisimasoq 1-mi pinngitsuutinneqarpoq.
Pisimasoq 2
Piffissami 14. Decemberimiit 2019 1. januar 2020 tungaanut tusass-kontot assigiinngitsut arfineq marluk 2.400 kr.-it nalinginut ilisimannittup akiliutaa atorlugu immerneqartarsimapput. Taakkunannga 2.400 kr.-init unnerluutigineqartup kontoa 2.050-imut immerneqartarsimalluni. Ilisimannittup kontoa ulloq 1. januar 2020 50 kr.-imik immerneqarsimavoq. Nassuiaavorlu taamaaliortoq tassaasoq unnerluutigineqartoq. Tamanna tunngavigalugu nunatta eqqartuussisuuneqarfiata uppernarsivaa unnerluutigineqartup tigummisimagai ilisimannittup akiliutaata paasissutissartai, paasissutissallu atorlugit immiisarsimasoq pisimasoq 2-mi unnerluussummi iluarsisami pineqartunut. Taamaattumik unnerluutigineqartoq pisuutinneqarpoq unioqqutitsinermut pinerluttulerinermi inatsimmi § 105.
Pisimasoq 3
Ilisimannittoq nassuiaavoq takusimallugu unnerluutigineqartoq nammattakkaminut immiaaqqanik poortuisoq, tamatuma kingornatigut videokkut alapernaarsuutikkut takusimallugu unnerluutigineqartup immiaaqqat pisiniarfimmiit tigugai. Taamaattumik pisuutinneqarpoq unioqqutitsinermut pinerluttulerinermi inatsimmi § 102.
Pisimasoq 4
Ilisimannittoq nassuiaavoq unnerluutigineqartumi tukkunerminut atatillugu aningaasivini puigorsimallugu uterluni aasariaqarsimallugu, tamatumalu kingornatigut paasilersimallugu pisussaanngitsumit akiliutini tusass-kontonik arlalinnik immersuinermi atorneqarsimasoq, tassunga ilaalluni pingaartumik unnerluutigineqartup kontoa. Tamanna tunngavigalugu nunatta eqqartuussisuuneqarfianit uppernarsineqarpoq unnerluutigineqartoq pisuusoq unioqqutitsinermut pinerluttulerinermi inatsimmi § 105, unnerluussummi iluarsineqartumi annertussusilimmik ersersinneqartutut.
Pineqaatissiineq aalajangersarneqarpoq isiginiarneqarlutik, qarasaasiatigut peqquserlunnermi aningaasat annikitsuinnaat pineqarneri, immiaaqqat utertinneqarsimaneri, aamma unnerluutigineqartoq siusinnerusukkut pineqaatissinneqarnikuunngimmat eqqartuussummik, akiligassinneqarpoq 6.500 kr.-inik, tak. Pinerluttulerinermi inatsimmi § 127, tak. §§ 102 aamma 105.
Suliami uppernarsaassiiffigineqanngimmat Tusass-kontot qanoq immersorneqartarsimaneri, tassunga ilanngullugu oqarasuaat mobili atorlugu taamaaliortoqartarsimanera, eqqartuussisuuneqarfik isumaqarpoq tunngavissaqanngitsoq unnerluussisussaatitaasut piumasaqaataat arsaarinninniassamik oqarasuaammik mobilimik meqqeqartumik Samsung malissallugu.
Unnerluutigineqartup akiligassiissutit 6.500 kr.-it akilissavai.
Unnerluutigineqartoq arsaarinninnissamut piumasaqaammut pinngitsuutinneqarpoq.
Suliap normua: K 209/21
Eqqartussissutit nassuiaatillu