12-it inorlugit ukiulimmik pinngitsaaliilluni atoqatiginninneq - K 165/21

Eqqartuussissut Nunatta Eqqartuussisuuneqarfianit oqaatigineqarpoq ulloq 10. November 2021.

Niviarsiaraq nassuiaateqarpoq, unnerluutigineqartoq ilisarisimasimanagu, inuit tamat nittartagaanni allaffigimmani. Nassuiaavorlu nammineq allaffigisimallugu, nammineq 11-inik ukioqarluni, taassumalu kajumissaarineratigut angerlarsimaffianukarsimalluni, tassanilu atoqatigisimallugu. Naak niviarsiaqqap nassuiaataa sukumiivallaanngikkaluartoq, taamaattoq nunatta eqqartuussisuuneqarfia isumaqarpoq uppernartuusoq aamma nammineerluni misigisimasaatut saqqummiunneqarluni. Tamanna tunngavigalugu, aamma unnerluutigineqartoq nunatta eqqartuussisuuneqarfiani oqaaseqarnermigut nassuerutigimmagu, tassa niviarsiaraqn atoqatigisimallugu, nunatta eqqartuussisuuneqarfiata isumaqatigivaa unnerluutigineqartup pisuutinneqarnera unioqqutitsinermut pinerluttulerinermi inatsimmi § 77, ii. 1, nr. 3, meeqqamik 12-it inorlugit ukiulimmik atoqateqarneq.

Nunatta eqqartuussisuuneqarfiata pineqaatissiissummik aalajangersaasimaneq isumaqatigivaa isiginiarneqarlutillu pisimasup pissusa aamma naak unnerluutigineqartoq pitsaasumik inuttut atugaqaluartoq, tunngavissaqanngilaq pineqaatissiissutip utaqqisitanngortinneqarnissaanut.

Pisimasup pissusianut atatillugu, nunatta eqqartuussisuuneqarfia isumaqarpoq ajunngitsorsiassaq unnerluutigineqartup akiligassaa niviarsiaqqamut naapertuuttumik aalajangersarneqarsinnaasoq 35.000 kr.-inut.

Taamatut allannguuserlugu nunatta eqqartuussisuuneqarfianit eqqartuussisoqarfiup eqqartuussutaa atuuttussanngortinneqarpoq.

Eqqartuussisoqarfiup eqqartuussutaa atuuttussanngortinneqarpoq imatut allannguuserlugu, ajunngitsorsiassaq unnerluutigineqartup akiligassaa niviarsiaqqamut, appartinneqarpoq 35.000 kr.-inut.

Suliap normua: K 165/21

Eqqartuussissutit nassuiaatillu