04 nov 2021
Nunatta Eqqartuussisuuneqarfia
Persuttaaneq siorasaanerlu - K 109/21
Angut 46-nik ukiulik eqqartuunneqarpoq ulluni 20-ni utaqqisitamik pinerluuteqarsimasunut inissiisarfimmiittussanngortillugu. Pineqaatissiineq kinguartinneqarpoq ukiorlu ataaseq misiligaaffilerneqarluni atorunnaassalluni.
Eqqartuussissut Nunatta Eqqartuussisuuneqarfianit oqaatigineqarpoq ulloq 4. November 2021.
Unnerluutigineqartup nassuerutigaa angut pineqartoq marloriarlugu kiinaagut assamminik siaagasumik toqqisimagamiuk aamma nassuiarpaa angut pineqartoq kimillanneri imminnut tigumminerminni pilersinneqarsimassasut. Nassuiaaneq angut pineqartoq nassuiaaneranit taperserneqarpoq aamma suliami assit saqqummiunneqartunit.
Unnerluutigineqartup tamanna tunuliaqutaralugu pinerluttulerinermi inatsimmik § 88-imik unioqqutitsivoq, angut pineqartoq marloriarluni kiinaatigut isakkamiuk aamma taliisigut qungasiagullu kimillakkamiuk.
Unnerluutigineqartoq pinngitsuunerarpoq siorasaarisimasutut haalimi pisimasumi. Angut pineqartoq Nunatta Eqqartuussisuuneqarfianut nassuiaasimavoq nakuuserneq pinnginnarani siorasaarineq pisimasoq. Nunatta Eqqartuussisuuneqarfiata tunngavissaqarsorinngilaa unnerluutigineqartoq immikkut pisimasoq 2 pillugu eqqartuunneqarnissaa, taamaasillunilu unnerluutigineqartoq tamassumunnga pinngitsuutinneqarluni.
Angut pineqartoq uppernartumik nassuiaavoq unnerluutigineqartoq oqarsimasoq sequminniarlugu. Unnerluussut utaqqiisaagallartumik oqaaseqaammik imaqarpoq imaakkusunnermillu ”nakuuserneq aamma inuttut aseruineq”, tamannalu Nunatta Eqqartuussisuunerata angutip pineqartup inuuneranik, peqqunneranik aamma atungarissaarneranik ernummateqarujussuarnermik pilersitsisutut isiginngilaa, taamaattumik aamma pinerluttulerinermi inatsimmik § 98 ilaanani, taamaattumik unnerluutigineqartoq maanna pinngitsuutinneqarpoq.
Pineqaatissiineq aaliangerneqarpoq ulluni 20-ni pinerluuteqarsimasunut inissiisarfimmiittussanngortitsinermik, tamannalu ukiumik ataatsimik misiligaaffilerlugu pissaaq, takk. pinerluttulerinermi inatsik § 129, imm. 1 aamma 2.
Nunatta Eqqartuussisuunerata pineqaatissiinermi aaliangiinermi pingaatsissimavaa nakuusernerup sakkortussusaa aamma ajoqusersimanerit killeqartut, nakuusernerup tunuliaqutaa aamma unnerluutigineqartup inuttut atugai pitsaasut aamma siornagut pineqaatissinneqarnikuunnginnera tunngavigineqarpoq pineqaatissiinerup utaqqisitanngorneranut.
Suliap normua: K 109/21
Eqqartuussissutit nassuiaatillu