Ulluni 10-ni pineq. inissiisarfimmiittussanngorinneqarluni - K 250/21

Eqqartuussissut Nunatta Eqqartuussisuuneqarfianit oqaatigineqarpoq ulloq 18. November 2021. 

Unnerluutigineqartoq nassuiaavoq, ulloq 12. september 2020 arnaq pineqartoq mobilia tigusimallugu taanna qeqarluni oqaluussisoq. Taamatullu aamma nassuiaalluni assaaniit nusussimallugu tamatumalu kingunerisaanik nunamut uppissimasoq. Nunatta eqqartuussisuuneqarfia isumaqarpoq unnerluussisussaatitaasunit arnap assinginik saqqummiinermi aamma nalunaarusiamik taassuma nassuiaatigisimasaanik saqqummiinermi pisarialimmik eqqartuussutaasinnaasumik uppernarsineqanngitsoq, unnerluutigineqartup iliuutsimigut siunertarisimagaa arnamut nakuusernissaq, taamaattumillu pisimasoq 2-mi pinngitsuutinneqarpoq.

Taamaalilluni nunatta eqqartuussisuuneqarfiata pineqaatissiissut naapertuuttutut isumaqarfigivaa, hashimik 3,15 grammimik pineqaatissinneqarsimasunut inissiisarfimmi tigumiaqarnermut tassani siunertarineqarluni ingerlateqqiinissaq, tamatumanilu eqqartuussisoqarfiup unnerluutigineqartoq pisuutissimavaa, ullullu qulit pineqaatissinneqarsimasunut inissiisarfimmiittussanngortinneqarpoq, tak. Pinerluttulerinermi inatsimmi § 147, imm. 2, uniffiit aappaat., tak. § 146, tak. Aangaajaarniutit pillugit inatsimmi § 3, tak. Aanngaajaarniutit pillugit nalunaarummi § 27, imm. 1, tak. § 2, tak. ilanngussaq 1, liste A, nr. 1.

Nunatta eqqartuussisuuneqarfiata pineqaatissiissummik aalajangersaanermi pingaartippaa pisimasoq pillaammik atuinerup nalaani pisimammat, aamma unnerluutigineqartoq arleriarluni eqqartuussuteqarfigineqarnikuummat aanngaajaarniutit pillugit inatsimmik unioqqutitsinermut.

Nunatta eqqartuussisuuneqarfiata isumaqatigivaa haship nassaarineqarsimasup arsaarinnissuteqarfigineqarsimanera.

Eqqartuussisoqarfiup eqartuussutaa allanngortinneqarpoq imaalillugu, unnerluutigineqartoq eqqartuunneqarpoq ulluni 10-ni pineqaatissinneqarsimasunut inissiisarfimmiittussanngorinneqarluni.

Unnerluutigineqartumiit arsaarinnissutigineqarpoq 3,15 gram hashi.

Suliap normua: K 250/21

Eqqartuussissutit nassuiaatillu