Eqqartuussisoqarfiup eqqartuussutaa allanngortinneqarpoq - K 085/21

Eqqartuussissut Nunatta Eqqartuussisuuneqarfianit oqaatigineqarpoq ulloq 6. December 2021. 

Unnerluutigineqartup nassuerutigivaa angut pineqartoq kiinaatigut marloriarlugu tillussimallugu. Ilisimannittoq nassuiaavoq unnerluutigineqartup angut 2-3-riarlugu kiinaatigut tillussimagaa. Tamanna tunngavigalugu eqqartuussisuuneqarfimmnit uppernarsineqarpoq unnerluutigineqartup angut marloriarlugu kiinaatigut tillussimagaa.

Nunatta eqqartuussisuuneqarfia isumaqarpoq, pissutsinik takusassaqanngitsoq nakuusernerup iliuuserineqarsimasup pillaatitaqannginnissaanik. Taamaattumik unnerluutigineqartoq pisimasoq 1-mi pisuusoq unioqqutitsinermut pinerluttulerinermi inatsimmi § 88-mik marloriarluni tilluinermut atatillugu.

Unnerluutigineqartoq nassuiaavoq, arnaq pineqartoq torsuusami iliuuserisaanik paasitissimallugu, tassanilu matup tungaanut uppissimasoq. Arnap nassuiaataa, tassa unnerluutigineqartup ajatsineratigut uppissimalluni, ilaatigut arnap nassuiaaneranit ikorfartuiffigineqartoq, tassa unnerluutigineqartup arnaq kivillugu anisissimagaa. Pissutsit taamaannerini eqqartuussisuuneqarfimmit uppernarsineqarpoq unnerluutigineqartoq pisuusoq arnamik ajatsinermi, taamaalilluni matup tungaanut uppilluni. Ajatsineq suusupagisassaanngitsutut pissusilik pineqarmat, unnerluutigineqartoq pisimasoq 2-mi unnerluunneqaatigisamini pisuutinneqarpoq.

Unnerluutigineqartoq pisimasoq 3 pillugu nassuiaavoq, ulloq taanna nammineq inissiami tassaniissimanani. Nunatta eqqartuussisuuneqarfia isumaqarpoq arnap nassuiaaneratigut pisarialimmik eqqartuussutaasinnaasinnaasumik uppernarsineqanngitsoq , taamaattumik unnerluutigineqartoq pisimasoq 3-mi pinngitsuutinneqarpoq.

Pineqaatissiissut aalajangersarneqarpoq pinerluttulerinermi inatsimmi § 130, tak. § 88, ataatsimoortitamik pineqaatissiinertut ilanngunneqarluni eqqartuussut 27. januar 2020-meersut qaammatini sisamani pineqaatissinneqarsimasunut inissiisarfimmiittussanngortinneqarnermik.

Nunatta eqqartuussisuuneqarfiata sivisussusiliinermi pingaartippaa ilaatigut, nakuusernerit inunnut marlunnut pisimasuni marluusuni pineqarmat.

Eqqartuussisoqarfiup eqqartuussutaa allanngortinneqarpoq, imaalillugu, unnerluutigineqartoq eqqartuunneqarluni qaammatini sisamani pineqaatissinneqarsimasunut inissiisarfimmiittussanngortinneqarluni.

Suliap normua: K 085/21

Eqqartuussissutit nassuiaatillu