Akiligassinneqarneq, ingerlatsisinnaanermullu arsaarneqarluni- K 028/21

Eqqartuussissut Nunatta Eqqartuussisuuneqarfianit oqaatigineqarpoq ulloq 18. februar 2021.

Eqqartuussisoqarfiup eqqartuussutaa Nunatta Eqqartuussisuuneqarfianut suliareqqitassanngortissimavaa aallaqqaammulli piumasaqaatit sakkortusillugit piumasaqaateqarlutik. Kristian Åge Poul Loth Dahl eqqartuussummut illuatugiliilluni suliareqqitassanngortitsisimavoq piumasaqaatinik sakkukilliliinissamik piumasaqarluni. Unnerluussisussaatitaasut aamma unnerluunneqartoq atuuttussanngortitsinissamik piumasaqarsimapput.

Unnerluunneqartoq marlunnik siullermeerluni aqqusinertigut angallannermi inatsik § 9, imm. 1, unioqqutitsivoq, taakkunani motorinik ingerlasuni angallatini piffissani marlunni, aalakoornartumik imigassartorsimanera aavani ersiuteqarsimagami 0,58 aamma 1,92 promille-sut annertutigisimallutik.

Illuatungeriit atuuttussanngortitsinissamik piumasaqareermata eqqartuussiveqarfiup aaliangiineranik aamma paasissutissat unnerluussap 2019-imi isertissimasaanut tunngasut, tamakku tunngavigalugit Nunatta Eqqartuussisuunerata aaliangiuppaa akiligassiissut 15.000 kruuninik annertussuseqassasoq.

Nunatta Eqqartuussisuunerata ilanngullugu akuersaarpaa, unnerluunneqartoq aqqusinertigut angallannermut inatsit § 60, imm. 1, nr. 1, takk. § 60, imm. 3 malillugu motorilinnik ingerlatsisinnaajunnaartoq ukiuni marlunni inaarutaasumik eqqartuussutip aaliangerneraniit. Nunatta Eqqartuussisuunerata aaliangiinermini pingaartissimavaa siullermeertumik unioqqutitsinerit marluummata aamma aalakoornartulimmik imigassartorsimanerit annertussuserisaat.

Taamaattumik Nunatta Eqqartuussisuunerata eqqartuussisoqarfiup eqqartuussutaa atuuttunngortippaa.

Eqqartuussisoqarfiup eqqartuussutaa atuutsilerneqarpoq.

Suliap normua: K 028/21

Eqqartuussissutit nassuiaatillu